გაიზარდა ფქვილის ექსპორტი და მეწარმეებს მიეცათ არჩევანის საშუალება როგორც ხარისხში, ასევე ფასში ასეთი რამ არასდროს ყოფილა. რაც შეეხება ხშირ კითხვას, თუ რა ეშველება პურის ფასს, ამ ეტაპზე პურის ფასი სტაბილურია ჯერჯერობით, - განაცხადა „საქართველოს პურის მცხობელთა ასოციაციის“ თავმჯდომარე მალხაზ დოლიძემ.
როგორც მალხაზ დოლიძე აღნიშნავს, როგორც პურის მწარმოებელი, იგი კმაყოფილია დღევანდელი მდგომარეობით, რადგან მიეცათ არჩევანის გაკეთების საშუალება. მათთვის საბაზრო ფასი არის მისაღები და სწორედ ეს იწვევს ერთგვარ კმაყოფილებას.
„მე გეტყვით, რომ პროდუქტებში დღეს მდგომარეობა ისეთია, როგორც არასდროს ყოფილა სუბსიდირების შემდეგ ფქვილის მომარაგების სახით. დიამეტრალურად გაიზარდა ფქვილის ექსპორტი, 5-ჯერ და 6-ჯერ გაიზარდა და მეწარმეებს მიეცათ არჩევანის საშუალება როგორც ხარისხში, ასევე ფასში. ასეთი რამ არასდროს ყოფილა, ეს ფაქტია. რაც შეეხება ჟურნალისტების ხშირ კითხვას, თუ რა ეშველება პურის ფასს, ამ ეტაპზე პირდაპირ გეტყვით, რომ პურის ფასი სტაბილურია ჯერჯერობით. მე არ ვიცი ფქვილის ექსპორტი რამდენ ხანს გასტანს, მაგრამ ფაქტი ასეთია, რომ შემოდის ფქვილი და არის არჩევანის საშუალება როგორც ფასში, ასევე ხარისხში და აწარმოებენ მწარმოებლები პურს. მე მინდა იცოდეთ, რომ რა თქმა უნდა როგორც მეწარმე მესმის, რომ წისქვილი და დიდი წარმოება, როდესაც ხორბალი იფქვება, აქედან 70% პურისთვის არის გათვალისწინებული და 30% მიდის კომბინირებულ საკვებზე და იქ მთელი მრეწველობა დგას ამის უკან, თუმცა მე როგორც ინფორმირებული ვარ, სულ რამოდენიმე დღეში უნდა ჩამოდგეს გემი, რომელმაც უნდა შემოიტანოს ამ საკვებისთვის ამერიკის შეერთებული შტატებიდან გარკვეული რაოდენობა კომბინირებული საკვებისათვის გათვალისწინებული მასალა და ალბათ წისქვილები მიიღებენ ამას და გადაამუშავებენ. რაც შეეხება პურის წარმოებას, გეუბნებით, რომ როგორც არასდროს, დღეს მართლაც არჩევანის საშუალება ფქვილში არის“, - განაცხადა მალხაზ დოლიძემ „მედიაცენტრ მთავარში პრესკონფერენციაზე.
BPN.GE