„კრედიტინფოს“ 2022 წლის ივნისის სტატისტიკის მიხედვით, 30 დღიდან 3 წლამდე ვადაგადაცილება, 369 484 მსესხებელს უფიქსირდება, ნაშთი კი 3 239 937 911 ლარს შეადგენს. საერთო ჯამში, ივნისის მდგომარეობით საქართველოში საფინანსო სექტორის ვალი სულ 1 884 354 ადამიანს აქვს, ჯამში 34 564 491 414 ლარის მოცულობის.

აღსანიშნავია, რომ მსესხებლების 84,9% საბანკო სექტორზე მოდის, კერძოდ, ივნისის მდგომარეობით, ბანკებიდან 31 534 917 159 ლარის მოცულობის კრედიტი სულ 1 599 053 მსესხებელს აქვს აღებული.

ამასთან, სებ-ის მიერ სხვა რეგულირებადი საფინანსო ინსტიტუტების (მიკროსაფინანსო, სესხის გამცემი სუბიექტი) კრედიტორი 680 417 ადამიანია, გაცემული სესხების მოცულობა კი 2 591 087 935 ლარს შეადგენს. კიდევ 20 212 ადამიანს კი, ჯამში, 438 486 320 ლარის სესხი აღებული აქვს სალიზინგო, სამშენებლო და სხვა ტიპის კომპანიისგან.