საქართველოში ძლიერი მიწისძვრა მოხდა.
საქართველოს სეისმური მონიტორინგის ეროვნულ ცენტის ინფორმაციით, მიწისძვრა დღეს, 22:25 საათზე მოხდა. მიწისძვრის ეპიცენტრი სოფელ სამებასთან იყო და მისმა სიმძლავრემ 6.2 (ML) მაგნიტუდა შეადგინა.
როგორც ივანე ჯავახიშვილის სახელობის თბილისის სახელმწიფო უნივერსიტეტის გეოლოგი გიორგი დვალიშვილი ფეისბუქ ლაივში განმარტავს, 6.2 ბალის მიწისძვრა ნგრევას არ იწვევს და პანიკის მიზეზი არ არსებობს.
აქვე მეცნიერი მიწისძვრის არსს განმარტავს და ამბობს, რომ ის ბუნებრივი მოვლენაა და ამ დროს პანიკა დაუშვებელია. რაც შეეხება, მისი განმეორების ალბათობას, დვალიშვილი ამბობს, რომ ეს ბუინებრივია, თუმცა გვამშვიდებს და მეცნიერულ ცოდნაზე დაფუძნებით ამტკიცებს, რომ საშიში არაფერია.