საქართველოში 50 991 სამედიცინო პერსონალიდან 3 დოზით ვაქცინირებული 8683 ექიმი, ექთანი და სანიტარია. შესაბამისად, „ბუსტერი“ გაკეთებული არ აქვს 42 308-ს.
უფრო კონკრეტულად, „ინტერპრესნიუსის“ მიერ დაავადებათა კონტროლისა და საზოგადოებრივი ჯანმრთელობის ეროვნული ცენტრიდან გამოთხოვილი ინფორმაციის თანახმად, საქართველოში 22 713 ექიმიდან „ბუსტერის“ ჩათვლით ვაქცინირებული მხოლოდ 6447-ია, რაც საერთო რაოდენობის 28,4%-ს შეადგენს; „ბუსტერი“ გაკეთებული არ აქვს 16 266 ექიმს.
ამავე პერიოდში, 22 376 ექთნიდან 3 დოზით ვაქცინირებულია 1908 (8,5%), „ბუსტერი“ გაკეთებული არ აქვს 20 468 ექთანს. ასევე, 5902 სანიტრიდან „ბუსტერით“ ვაქცინირებულია მხოლოდ - 328 (5,6%), მესამე, „ბუსტერ“ დოზა გაკეთებული არ აქვს 5574 სანიტარს.
რაც შეეხება არასამედიცინო პერსონალს, რომელთა ჯამური რაოდენობა ქვეყნის მასშტაბით 32 785-ია, „ბუსტერის“ ჩათვლით ვაქცინირებულია მხოლოდ 3803 (11,6%), „ბუსტერი“ გაკეთებული არ აქვს 28 982-ს.
ამასთან, მოწოდებული ინფორმაციიდან ირკვევა, რომ თბილისში 13 553 ექიმიდან 3 დოზით ვაქცინაცია მხოლოდ 4073-ს აქვს გაკეთებული (30,1%), 10979 ექთნიდან სამჯერადად ვაქცინირებულია 933 (8,5%), 2913 სანიტრიდან ვაქცინირებულია 17, (5,8%); ხოლო 20 520 არასამედიცინო პერსონალიდან ვაქცინირებულია 2755 (13,4%).
რეგიონებში ექიმების სამჯერადად ვაქცინირების ყველაზე მაღალი მაჩვენებელი გურიაშია; კერძოდ, 273 ექიმიდან ვაქცინირებულია 128 (46,9%); ხოლო ყველაზე დაბალი მაჩვენებელი სამცხე ჯავახეთში, სადაც 293 ექიმიდან მხოლოდ 63-ია ვაქცინირებული (21,5%).
ექთნების სამჯერადად ვაქცინაციის ყველაზე მაღალი მაჩვენებელი გურიაშია, სადაც 341 ექთნიდან „ბუსტერი“ გაკეთებული აქვს 87-ს, რაც საერთო რაოდენობის 25,5%-ია. ყველაზე დაბალი მაჩვენებელი ქვემო ქართლშია, სადაც 1489 ექთნიდან „ბუსტერი“ მხოლოდ 80-ს აქვს გაკეთებული (5,4%). დედაქალაქში კი, 10979 ექთნიდან „ბუსტერი“ გაკეთებული აქვს მხოლოდ 933-ს (8,5%).
რაც შეეხება სანიტრებს, თბილისში 2913 სანიტრიდან სამჯერადად ვაქცინირებულია მხოლოდ 170 (5,8%). არასამედიცინო პერსონალის „ბუსტერ“ დოზით ვაქცინაციის მაჩვენებელში რეგიონების მიხედვით კვლავ გურია ლიდერობს, კერძოდ, 263 პირიდან ვაქცინირებულია 64 (24,3%); ყველზე დაბალი მაჩვენებელი კი აჭარაშია, სადაც 5028 პირიდან ვაქცინირებულია სამჯერადად მხოლოდ 283 (5,6%). დედაქალაქში კი, 20 520 არასამედიცინო პერსონალიდან ვაქცინირებულია მხოლოდ 2755 (13,4%).
რაც შეეხება ექიმების, ექთნების და სანიტრების სრულად (ორჯერადად) ვაქცინირების მაჩვენებლებს, „ინტერპრესნიუსისთვის“ მოწოდებული ინფორმაციიდან ირკვევა, რომ ქვეყნის მასშტაბით, საქართველოში საქართველოში არსებულ კლინიკებში მომუშავე 83 776 სამედიცინო და არასამედიცინო პერსონალიდან სრულად (ორჯერადად) ვაქცინირებულია 59963 პირი.
უფრო კონკრეტულად, 50 991 სამედიცინო პერსონალიდან ორჯერადად ვაქცინირებული 35715 ექიმი, ექთანი და სანიტარია, შესაბამისად, 15 276 სრულად ვაქცინირებული არ არის.
მოწოდებული ინფორმაციის თანახმად, ქვეყნის მასშტაბით, 22 713 ექიმიდან ვაქცინირებულია 18 320 (80,7%); 22 376 ექთნიდან ვაქცინა ორჯერადად გაკეთებული აქვს 14 244 პირს (63,7%), ხოლო 5902 სანიტრიდან სრულად ვაქცინირებულია 3151 (53,4%).
ქვეყნის მასშტაბით, 32 785 არასამედიცინო პერსონალიდან სრულად ვაქცინირებულია 24 248 (74,0%).
ექიმების და ექთნების სრულად ვაქცინაციის მონაცემების თანახმად, ყველაზე მაღალი მაჩვენებელი აჭარაშია, სადაც ექიმების 84,9% ხოლო ექთნების 77,5% ვაქცინირებულია.
თბილისში კი, 13 553 ექიმიდან ორჯერადად ვაქცინირებულია მხოლოდ 11 132 (82,1%), ხოლო 10979 ექთნიდან სრულად ვაქცინირებულია 7188 (65,5%). რაც შეეხება სანიტრებს, თბილისში, სრულად (ორჯერადად) ვაქცინირებულია 2913 სანიტრიდან 1614 (55,4%).
ცნობისთვის, დაავადებათა კონტროლისა და საზოგადოებრივი ჯანმრთელობის ეროვნული ცენტრიდან მოწოდებული ინფორმაცია 2021 წლის 15 მარტიდან - 2022 წლის 2 თებერვლის პერიოდს მოიცავს.
ipn.ge
„ბუსტერი“
