2021-2022 წლების საექსპორტო სეზონზე, რომელიც 31 ოქტომბერს დასრულდა, თურქმა ზეითუნის ზეთის მწარმოებლებმა პროდუქცია მსოფლიოს 120-ზე მეტ ქვეყანას მიაწოდეს.

თურქული მედიის ინფორმაციით, ექსპორტის მოცულობა წინა საექსპორტო სეზონთან შედარებით, წონაში 32 პროცენტით, 44 ათასიდან 58 ათას ტონამდე გაიზარდა, ხოლო ფასებში 50 პროცენტით - 134 მილიონ 877 ათასი დოლარიდან 201 მილიონ 687 ათას დოლარამდე.

აშშ გახდა თურქული ზეითუნის ზეთის ყველაზე დიდი მომხმარებელი, სადაც 75 მილიონი დოლარის ღირებულების პროდუქცია იქნა მიწოდებული.

მათ მოსდევს: ესპანეთი ($24 მილიონი), იაპონია ($17 მილიონი), საუდის არაბეთი ($10 მილიონი) და არაბეთის გაერთიანებული საამიროები ($5 მილიონი).

სად ყიდულობს საქართველო ზეითუნის ზეთს? როგორც საქსტატის სტატისტიკური ინფორმაციიდან ირკვევა, საქართველო ძირითადად იტალიიდან იმპორტირებულ ზეითუნის ზეთზეა დამოკიდებული, ხოლო თურქული ზეითუნს ზეთის წილი წელს 15%-ია. 

მაშ ასე, 2022 წლის იანვარ-ოქტომბერში საქართველომ 346.20 ტონა ზეითუნის ზეთი და მისი ფრაქციების იმპორტი განახორციელა, რაშიც ქვეყანამ 1,649.17 ათასი დოლარი გადაიხადა. მიმდინარე წლის მთლიანი ექსპორტის 35%-ი იტალიიდან იმპორტირებულ ზეითუნის ზეთს უკავია, ხოლო იმპორტის 25%-ი ესპანეთიდან იმპორტირებულ ზეითუნის ზეთს. აღსანიშნავია, რომ თურქეთი ტოპ-3 იმპორტიორ ქვეყანას შორისაა, რომლის წილიც იმპორტში 15%-ს შეადგენს.

აღსანიშნავია ისიც, რომ ზეითუნის ზეთის წარმოება საქართველოშიც დაიწყო.