„საქართველოში ინფლუენსერ მარკეტინგი საერთაშორისო ტენდენციებს აქტიურად უწყობს  ფეხს“, - ამის შესახებ „ბიზნესფორმულას“ ეთერში Echolize –  ის  დამფუძნებელმა გოგა ბერიძემ ისაუბრა, მისი თქმით ის ტენდენციები, რომელიც დასავლურ განვითარებულ ქვეყნებში ინერგება, რამდენიმე კვირაში საქართველოშიც გადმოდის. მან ასევე აღნიშნა, რომ თუ ადრე ინფლუენსერ მარკეტინგის მიმართულებით ტექსტური და ბანერული რეკლამა იყო წამყვანი და პოპულარული , დღეს ეს ვიდეო კონტენტმა ჩაანაცვლა.

„ჩვენი კომპანიაც აქტიურად გეგმავს მიკრო და ნანო ინფლუენსერების კატეგორიას, ეს მიმართულება დღეისათვის ძალიან ტრენდულია. არსებობს სელებრითების კატეგორიაც.

რაც შეეხება გამოწვევებს, ეს  მიმართულება ჩვენთან რამდენიმე წელია არის და რამდენიმე ასპექტი დასახვეწია. მაგალითად მე მარკეტერებს მოვუწოდებდი, რომ ინფლუენსერ მარკეტინგი ბრმად არ გააკეთონ და კონტენტ კრეატორების  შეფასებისას მხოლოდ გამომწერების რაოდენობას არ შეხედონ და არ ჩათვალონ, რომ რამდენი გამომწერიც ჰყავს  ადამიანს, აუცილებლად იმდენივე ნახავს კონტენტს. არსებობს საიტები, რომლითაც შესაძლებელია  ამ თუ იმ კრეატორის  ინსატიების გადამოწმება, ასევე  იმის გადამოწმებაც  ჰყავს თუ არა ყალბი გამომწერები, როგორია  გამომწერების ასაკობრივი კატეგორია და  გეოგრაფია“,  აღნიშნა გოგა ბერიძემ.

ბერიძის თქმით, ძალიან მნიშვნელოვანია, რომ მარკეტერმა იცოდეს თუ რა  მიმართულებაზე მუშაობს ინფლუენსერი, აქვს თუ არა  თავისი ნიშნა, მომხმარებლის  ნდობას  კარგავს ის ფაქტი, როდესაც  კრეატორი ერთ  დღეს ავტომობილის რეკლამას აკეთებს და მეორე დღეს საკვების და მესამე დღეს  თავის მოვლის საშუალებების. მისივე თქმით ასევე, ძალიან მნიშვნელოვანია, რომ ინფლუენსერი არეკლამებდეს იმ მიმართულებას რომელსაც თვითონ იყენებს.

„ჩვენ დაკვირვებული ვართ, რომ თუ ინფლუენსერი ერთი ნიშა  აქვს  დაჭერილი და იმის  გარშემო საუბრობს,  ინგეიჯმენთი 10%  ის  ფარგლებშია, რაც  ძალიან  მაგარი შედეგია,  მაგრამ  როდესაც კრეატორი ურევს კონტენს, ყველაფრის ანბოქსინგს აკეთებს და ყველაფერს გასთორავს, რასაც საჩუქრად გაუგზავნიან, ინგეიჯმენთი სადღაც  1% - ია. ასე რომ თუ ეს  ყველაფერი ბრენდს გათვალისწინებული არ აქვს,  ძალიან რთულია  სწორი კამპანიის  წარმოება.

 ერთი კონკრეტული ნიშნა უნდა აირჩიო და იმის  გარშემო ისაუბრო აუდიტორიასთან და იქ არტისტიზმი და ემოციები დამატებით როლს თამაშობს. შეიძლება კრეატორს ჰყავდეს 20 000  გამომწერი  და თითო კონტენტში  უფრო  მეტს  გამოიმუშავებდეს, ვიდე ჰყავდეს 150 000“, - აღნიშნა  გოგა ბერიძემ.

ბერიძის  თქმით ინფლუენსერობის  კუთხით , საქართველოში პირველ ადგილზე  ინსტაგრამი,  შემდეგ  კი  Tik- tok  - ია,  თუმცა მისი პოპულარობა  თანდათან იზრდება და  ინსტაგრამს დაეწევა.