ხშირად ვსაუბრობთ, სამართლებრივი თვითშეგნების არქონაზე ან დაბალ დონეზე ქვეყანაში, მათ შორის ბიზნესსაც ჯერ კიდევ აქვს ეს პრობლემა. მაგალითად ჩვენთან მოსულან ძალიან მძიმე მდგომარეობაში მყოფი კომპანიები, რომლებსაც ხელი ჰქონდათ მოწერილი მილიონიან ხელშეკრულებებზე, ისე, რომ იურიდიულ მომსახურებაში თანხა დაზოგეს და ეს დაზოგვა შემდგომში ძალიან ძვირი ჯდება, — ამის შესახებ იურიდიული კომპანია „ემ ქეი დი“–ს უფროსმა იურისტმა ეკატერინე კოკიჩაიშვილმა გადაცემაში „ბიზნეს ინსაიდერი“ გიორგი აბაშიშვილთან ერთად ისაუბრა.

ეკატერინე კოკიჩაიშვილმა შრომის ბაზარზე არსებულ ვითარებაზეც ისაუბრა და აღნიშნა, რომ შრომის ბაზართან დაკავშირებით, დღეს სასამართლო ცალსახად გადახრილია დასაქმებულის მხარეს.

„გადაწყვეტილებების უმეტესობა რომ ნახოთ ძალიან დიდი მტკიცების ტვირთი აქვს დამსაქმებელს და დასაქმებულის სასარგებლოდ არის მიღებული ბევრი გადაწყვეტილება. შრომის ბაზრთან მიმართებით ძალიან დიდი მნიშვნელობა ჰქონდა არასამთავრობოების ჩართულობას, იგივე შრომითი უფლებების ცნობადობის გაზრდის კუთხით, ის რომ მთელი რიგი კამპანიები იყო ამ კუთხით. ვფიქრობ მომხმარებელთა დაცვის კუთხითაც მსგავსი კამპანიები დაიწყება. 

რაც შეეხება მეწარმეთა შესახებ კანონს, ამასთან დაკავშირებით არის ის ვითარება, რომ 2022 წელს ახალი კანონის მიღება მოხდა. რაც არის ძალიან მნიშვნელოვანი, მანამდე ჩვენ მოგვეცა საშუალება გავცნობოდით კანონს. ის დეტალურად არეგულირებს მთელ რიგ საკითხებს წინა კანონისგან განსხვავებით. აქ გამოიყო ორი საკითხი, ერთი რაც ახლებურად მოწესრიგდა და მეორე რაც ისედაც იყო დარეგულირებული, ოღონდ სასამართლო პრაქტიკით ანუ არ იყო კანონით დარეგულირებული.

ბიზნეს დავების სასამართლოს კუთხით გადაწყვეტის მიმართულებით არის ბევრი პრობლემა, ერთ-ერთი მთავარი არის გაჭიანურებული ვადები. განსაკუთრებით დიდი პრობლემაა როდესაც გამაყოფილია უზრუნველყოფა, მაგალითად ქონების განკარგვასთან დაკავშირებული შეზღუდვა, ყადაღა და ა.შ. შესაბამისად ასეთ შემთხვევაში ბიზნესი სერიოზული პრობლემის წინაშე აღმოჩნდება. ასევე მნიშვნელოვანია ერთგვაროვანი პრაქტიკა და განჭვრეტადობა, ბიზნესისთვის დაახლოებით უნდა იყოს ცნობილი თუ რა შედეგს მიიღებს“, — აღნიშნა ეკატერინე კოკიჩაიშვილმა.

იურისტმა თანამედროვე ტექნოლოგიების დანარგვაზეც ისაუბრა და განმარტა, რომ ცხადია არის მცდელობები სხვადასხვა ტიპის ტექნოლოგიის დანერგვა მომხდარიყო სამართალში, თუმცა საქართველოს ბაზარი ძალიან პატარაა, იმისათვის, რომ ამ მიმართულებით დიდი თანხები დაიხარჯოს

„უნდა აღინიშნოს, რომ მსგავსი ტიპის პროდუქტების შექმნა მნიშვნელოვანია, მაგრამ დღეს სამწუხაროდ საქართველოში იურიდიული ბაზარი არის მცირე, აქედან გამომდინარე რომ რაღაცის მიმართულებით ტექნოლოგია განავითარო ამას სჭირდება დიდი თანხა, ამიტომ ეს არის დამაბრკოლებელი გარემოებაა.“, — ამბობს ეკატერინე კოკიჩაიშვილი.