თბილისის სასურსათო ბაზარზე სეზონში პირველი სატაცური გამოჩნდა. ამ ეტაპზე 1 კილოგრამი 15- 17 ლარი ღირს.

როგორც წესი სატაცური კრეფა აპრილის დასაწყისში იწყება, თუმცა ამ წელს, გრილი გაზაფხულის გამო , სეზონმა 2 კვირით გადაიწია და მცენარის კრეფა 20 აპრილის შემდეგ დაიწყო.

სატაცურის მოსავალი ძირითადად მაღალმთიან რეგიონებში, ბუნებრივ პირობებში მოდის, თუმცა, ასევე კომერციული პლანტაციებიც არის.

კომპანიამ „თოკას ბიოლოგიური მეურნეობა“ 2019 წელს მოსახლეობისგან ველური სატაცურის ჩაბარება დაიწყო, ხოლო მოსახლეობისგან მიღებულ პროდუქტს ძირითადად თბილისში, ქსელურ სუპერმარკეტებში, ბრენდის „მწვანე რესპუბლიკას“ ქვეშ ყიდდა. კომპანიის დამფუძნებლის თორნიკე მჟავანაძეს თქმით, ამ წელს გლეხებისგან შესყიდვები არ იქნება, რადგანაც ველური სატაცურის მკრეფავებმა საბითუმო ფასი კილოზე 7-9-დან 4 ლარამდე გაზარდეს.

„ჩვენ არ გვაწყობს ასეთ ფასში პროდუქტის შეძენა, რადგანაც მისი საბოლოო გასაყიდი ფასი იმდენად მაღალი იქნება, რომ ჩვენ ვერანაირ მოგებას ვერ მივიღებთ. გლეხები ველური სატაცურის პირდაპირ გზების სავალ ნაწილებზე გაყიდვას გეგმავენ, თუმცა, ეს მარტივი არაა - ნებისმიერ პროდუქტს სასაქონლო იერსახე უნდა ჰქონდეს, ეს კი გლეხებს და მკრეფავებს თავისი ძალებით არ შეუძლიათ“ - მიიჩნევს ის.

მისი თქმით თანამშრომლობა კომპანიასთან პირველ რიგში მომგებიანი თავად მკრეფავებისთვის იყო.

„ჩვენ სატაცურის ვასუფთავებდით, ვაფასოვებდით, გლეხებს კი სტაბილურ შემოსავალს ვთავაზობდით, რადგანაც სატაცურის ნებისმიერი რაოდენობის შესყიდვისთვის მზად ვართ. ამჟამად მათ დამოუკიდებელი საქმიანობა არჩიეს“  - ამბობს თორნიკე მჟავანაძე.

კომპანიას ასევე სატაცური კრეფისთვის სხვა რეგიონებიდან მუშახელის გამოყენება ეკრძალება, რადგანაც კანონით სამცხე-ჯავახეთში, სახელმწიფოს კუთვნილ მიწებზე ამ მცენარის კრეფის უფლება მხოლოდ ადგილობრივ მოსახლეობას აქვს.

ამიტომაც, „თოკას ბიოლოგიური მეურნეობა“ მხოლოდ საკუთარ პლანტაციებზე დაკრეფილ სატაცურს გაყიდის. მჟავანაძის თქმით რამდენიმე ნერგების რამდენიმე სახეობა უკვე დაირგა, და მომავალ წელს უკვე ნათელი იქნება, უკეთესი პერსპექტივა რომელს აქვს.

კიდევ ერთი მწარმოებელი - კომპანია GeoFresh-მა, რომელიც კახეთში 13 ჰექტარის სატაცურის პლანტაციას ფლობს,  პირველი მოსავალი უკვე აიღო, და უახლოეს დღეებში სატაცურით დატვირთული კონტეინერი ექსპორტზე გავა.

2020 წელს კომპანიამ მოსავლის 60% რუსეთში გაყიდა. ამ სეზონში მოსავალი 25 ტონას მიაღწევს, მათ შორის 15 ტონის ექსპორტზე გაგზავნა იგეგმება.

კომპანიის წარმომადგენლის სალომე ყველიაშვილის თქმით, საერთაშორისო ბაზარზე მოთხოვნა სატაცურზე გაიზარდა, რამაც მისი ფასის მატებასაც ხელი შეუწყო. ამ წელს GeoFresh-ის სატაცური ადგილობრივ ბაზარზე ხარისხის მიხედვით 11-16 ლარი ღირს, ხოლო საექსპორტო ბაზრებზე - 6,5 დოლარი

2020 წელს ადგილობრივ ბაზარზე 1 კგ. სატაცური 9-15 ლარი ღირდა, საექსპორტო ბაზრებზე კი - 4,5, - 5 დოლარი. 

East-fruit.com

თენგიზ აბლოთია