საქართველო მიმდინარე წელს ხილ–ბოსტნის, კაკლის და ჩირის იმპორტში 2020 წელზე ნაკლებსაც კი ხარჯავს, როდესაც პანდემია დაიწყო, რასაც მსოფლიო ეკონომიკის ვარდნა მოჰყვა.
ბოლო 2 წლის განმავლობაში პანდემიის გამო დაწესებულმა შეზღუდვებმა და ტურისტული ნაკადების შემცირებამ ეკონომიკური აქტივობა შეანელა, რასაც ეროვნული ვალუტის – ლარის გაუფასურება მოჰყვა. ეროვნული ბანკის მონაცემებით, ტურისტების სამომხმარებლო კალათის 40% იმპორტული პროდუქტებია.
2021–ის პირველ 7 თვეში საქართველოში $35 მლნ–ის ცოცხალი და გამომშრალი ხილ–ბოსტნეული და კაკალი შემოვიდა, რაც 16%–ით ნაკლებია 2020–ის ანალოგიური პერიოდის მაჩვენებელზე და 19%–ით ნაკლები 2019 წელთან შედარებით. 2018 წელს თუ შევადარებთ, კლება კიდევ უფრო შთამბეჭდავია – 29%.
ამასთან, გაცვლითი კურსის მოლოდინები საკვანძო როლს ასრულებს. თუ ინვესტორები ლარის შემდგომ დევალვაციას ელიან, უფრო ფრთხილები იქნებიან, ვინაიდან შემოსავალს ლარი იღებენ, ხოლო ხარჯი დოლარში აქვთ. იმპორტის სტატისტიკიდან ირკვევა, რომ ზოგიერთ ძირითად საიმპორტო პროდუქტზე – ძირითადად ხილზე, ბოსტნეულზე და კაკალზე ფასი ვარდება, მაგრამ ეს არ აღმოჩნდა საკმარისი იმპორტის მოცულობის გასაზრდელად.
ბოლო 5 წლის განმავლობაში ფულად გამოსახულებაში ძირითადი იმპორტული პროდუქტები იყო ბანანი, ხახვი, პომიდორი, ვაშლი, ფორთოხალი, კიტრი და კარტოფილი. ამასთან, პირველ სამ პროდუქტს ამ სეგმენტის მთელი იმპორტის ნახევარზე მეტი უკავია. საშუალო ფასს თუ ავიღებთ დოლარში, ამ პროდუქტების საიმპორტო ღირებულება ბოლო 5 წელიწადში 21%–ით შემცირდა, თუმცა საცალო ფასები ლარში არ შეცვლილა. ამავე პერიოდში იმპორტის მოცულობა საშუალოდ 15%–ით, ხოლო იმპორტის ჯამური ფასი 33%–ით შემცირდა.
east-fruit.com