საქართველოში წარმოებული ალას ლუდი ექსპორტზე 27 ქვეყანაში გადის. საქსტატის მაჩვენებლების მიხედვით, 2022 წლის იანვარ-აგვისტოში ექსპორტზე 2,015.17 ათასი დოლარის ღირებულების 2 197.83 ტონა ალაოს ლუდი გავიდა, 2021 წლის ანალოგიურ პერიოდში კი 2,014.35 ათასი დოლარის ღირებულების 2,377.71 ტონა ალაოს ლუდი.
ირკვევა, რომ საქართველოსთვის ალაოს ლუდის ნომერ პირველი საექსპორტო ბაზარი რუსეთია. 2022 წლის 8 თვის მაჩვენებლები ცხადყოფს, რომ ალაოს ლუდის ყველაზე დიდი მოცულობა სწორედ რუსეთში გადაიზიდა. იანვარ-აგვისტოში რუსეთში საქართველოდან 370.69 ათასი დოლარის ღირებულების ალაოს ლუდი შევიდა. მეორე ადგილზეა ჩინეთი, სადაც 309.58 ათასი დოლარის ღირებულების ალაოს ლუდის ექსპორტი განხორციელდა.
საქართველოსთვის ალაოს ლუდი საექსპორტო ბაზრებში ლიდერობს ასევე აზერბაიჯანი, სადაც 252.10 ათასი დოლარის ლუდის ექსპორტი განხორციელდა და ლატვია, სადაც საქართველოდან 212.42 ათასი დოლარის ალაოს ლუდი შევიდა.
აღსანიშნავია, რომ 2021 წლის სტატისტიკით, საუბარია იანვარ-დეკემბრის მაჩვენებელზე საქართველოსთვის ალაოს ლუდის ნომერ პირველი საექსპორტო ბაზარი, ღირებულებით ნაწილში, ისრაელი იყო, ხოლო მეორე რუსეთი. ხოლო მოცულობების კუთხით კი გასული წლის ლიდერი რუსეთი იყო. მიმდინარე წლის იანვარ-აგვისტოში კი როგორც ღირებულებით ჭრილში ასევე რაოდენობის მხრივ ლიდერი რუსეთია.