აშშ-ის ავიაციის ფედერალური ადმინისტრაციის სისტემის გათიშვის გამო, 8 000-ზე მეტი ავიარეისი გადაიდო, 1 200-ზე მეტი კი გაუქმდა

თეთრი სახლის პრესმდივანი, კარინე ჟან-პიერი ტვიტერზე  წერდა, რომ კიბერთავდასხმაზე არანაირი მტკიცებულება არ არსებობდა. 

იმავე დღესვე ტრანსპორტის მდივანმა პიტ ბუტიგიგმა cnn - თან ინტერვიუში თქვა, რომ პირდაპირი მტკიცებულება იმისა, რომ შეფერხება კიბერშეტევას უკავშირდება  არ არსებობდა, თუმცა მან დასძინა, რომ კიბერშეტევას არც გამორიცხავდა.  

2023 წლის 11 იანვრის საღამოს, ოფიციალურმა პირებმა აღმოაჩინეს პრობლემა კომპიუტერულ ფაილებთან დაკავშირებით. სააგენტოს განცხადებაში ნათქვამია, რომ ”FAA აგრძელებს გამოძიებას თუ რამ გამოიწვია საჰაერო მისიის შეტყობინებების სისტემის (NOTAM) ხარვეზი. 

„იმის გათვალისწინებით, რომ ჩვენ საჯარო ინფორმაცია NOTAM-ის გათიშვისა და ფრენების შეფერხების მიზეზების შესახებ არ გვაქვს, ჩვენ გავაგრძელებთ სიტუაციის მონიტორინგს და ამ ისტორიის განახლებას, როგორც მეტი გავიგებთ“

საკითხს „კომერსანტთან“ ხელოვნური ინტელექტის, ახალი ტექნოლოგიების და Blockchain სამართლის სპეციალისტი ლევან ბოძაშვილი აფასებს . მისი თქმით 11 იანვარს აშშ ავიაციაზე კიბერშეტევის შედეგად სისტემა გაითიშა, ჰაკერებმა კი 500 მილიონი ბიტკოინი მოითხოვეს, მისივე  თქმით აშშ-ს  მთავრობა იძულებული იყო, რომ ეს 500 მილიონი ბიტკონი გადაეხადა.

„ეს საკითხი არ გასაჯაროებულა, თუმცა მიუხედავად  იმისა, რომ ავიაციის  დეპარტამენტმა და ფედერალურმა სამსახურმა  გამოძიება დაიწყო, ორ დღეში ბიტკოინის ფასი 6000 დოლარით გაიზარდა, გამომდინარე იქიდან, რომ ქსელიდან ამ რაოდენობის ბიტკოინი გავიდა.

ასევე აღსანიშნავია, რომ რუსებმა ბულგარეთის სამთავრობო სისტემებზე განახორციელეს კიბერ შეტევა, რასაც ბულგარეთის მთავრობა ოფიციალურად ამბობს.  FDA ფიქრობს, რომ საავიაციო სისტემებზე მიტანილი შეტევაც, რუსების მხრიდან არის წამოსული“, -  აღნიშნა ლევან ბოძაშვილმა. 

ბოძაშვილი განმარტავს, რომ დიდი რაოდენობის ბიტკოინის ქსელიდან გატანა ბიტკოინის ფასს  ზრდის, შესაბამისად გამომდინარე იქიდან, რომ ბოლო პერიოდში რუსეთში თანხის მიმოქცევა  სანქციების გამო გაპრბლემებურია  კრიპტოვალუტა რუსებისთვის თანხების მოძრაობის ერთადერთი საშუალება გახდა.

„ამ ჰაკერული შეტევის მიზნად მიმაჩნია ბიტკოინის ფასის რუსული ინტერესების შესაბამისად  გაზრდა. ამჟამად საქმე გვაქვს  რუსების მიერ უკრაინაში არამხოლოდ ფიზიკური იარაღის გამოყენებასთან არამედ კიბერ ომის  სერიოზულ ფაქტებთანაც და ამაში ჩართულია კრიპტოვალუტა. ისინი ცდილობენ, რომ ისინი  ცდილობენ  ბიტკოინის  ფასი  აწიონ, რომ  ის  თანხები  რაც რუსეთში  მოძრაობს რაღაცნაირად   თავიანთი  სანქცირებული და ჩამოქცეული ეკონომიკა გააცოცხლონ.  მე ვთვლი  რომ ეს კიბერშეტევები გავრცელდება  ევროპის სხვადასხვა ქვეყანაშიც, რადგან რუსეთს სამხედრო  მანქანების  დაფინანსების  გზები  ამოწურული  აქვს“, - აღნიშნა ლევან ბოძაშვილმა.