„სამართლებრივი კვლევის, სწავლებისა და დახმარების ცენტრი“-ს მიერ ფონდი ღია საზოგადოება - საქართველოს ფინანსური მხარდაჭერით ჩატარდა კვლევა, რომლის მიზანი იყო თუ როგორ წარიმართებოდა სასესხო/საკრედიტო ურთიერთობები COVID19 პანდემიის პირობებში.
კვლევის შედეგად გამოვლინდა, რომ საქართველოში სასესხო/საკრედიტო ვალდებულებებთან დაკავშირებით კოვიდ პანდემიით გამოწვეული სირთულეების დასაძლევად ერთის მხრივ არ/ვერ იქნა დაწესებული რეალური შეღავათები, რომელიც საშუალებას მისცემდა მსესხებელ ფიზიკურ და იურიდიულ პირებს შემოსავლების დაკარგვის ან შემცირების პირობებში უმტკივნეულოდ მოეხდინათ ვადამოსული ვალდებულებების გადავადება და ზედმეტი ფინანსური ტვირთის გარეშე განეახლებინათ გადახდები, ხოლო მეორეს მხრივ დაწესებული შეღავათებით სარგებლობის აღსრულება აღმოჩნდა ხარვეზული.
მნიშვნელოვანია საკითხის მიმართ სისტემური მიდგომა, რომლის ფარგლებშიც რეკომენდირებულია განხორციელდეს: -
რეალური შემთხვევების აღრიცხვა/ანალიზი;
- სხვადასხვა კატეგორიის სესხების, მათ შორის სეზონური ბიზნესებისათვის გაცემული და პანდემიის მიზეზით გაპრობლემებური სესხების/კრედიტების აღრიცხვა/ანალიზი;
- ერთგვაროვანი პრობლემების დაჯგუფება და პრობლემის მოგვარებაზე ორიენტირებული გადაწყვეტილების მიღება;
- საკანონმდებლო დონეზე ერთჯერადი აქტის მიღება, რომლის ფარგლებშიც მოხდება პანდემიის მიზეზით გაპრობლემებურ სესხებზე/კრედიტებზე დარიცხული საურავი/ჯარიმა/პირგასამტეხლოს გაუქმება;
- ეროვნულმა ბანკმა განახორციელოს საშეღავათო პირობებით სარგებლობისას ბანკების/მიკროსაფინანსო ორგანიზაციების მოქმედებების მონიტორინგი და ეფექტური კონტროლი;
- სასამართლოებმა და აღსრულების ეროვნულმა ბიურომ მოახდინონ სესხებთან დაკავშირებული სტატისტიკური მონაცემების დამუშავება.
სრული კვლევა იხილეთ ბმულზე.