CNH Industrial-მა, მსოფლიოში სასოფლო-სამეურნეო ტექნიკის ერთ-ერთმა უმსხვილესმა მწარმოებელმა, რუსეთის ბაზრიდან გასვლისა და ადგილობრივი აქტივების 60 მილიონ დოლარად გაყიდვის შესახებ გამოაცხადა.

შესაბამისი განცხადება CNH Industrial-ის ვებგვერდზე გამოქვეყნდა.

რუსეთის ფედერაციაში CNH აქტივები მოიცავს სასოფლო-სამეურნეო აღჭურვილობისა და ხელსაწყოების წარმოების საწარმოებს, სამშენებლო აღჭურვილობას და სათადარიგო ნაწილების საწყობს. კომპანიის ოფისი, რომელიც იმპორტითა და გაყიდვებით იყო დაკავებული 2022 წლის მარტამდე, მოსკოვში მდებარეობდა.

დაახლოებით 200 ადამიანი მუშაობდა ადგილობრივ CNH ობიექტებში. მწარმოებელი აღნიშნავს, რომ თანამშრომლებს ამ დრომდე უხდიდა ხელფასს და ახორციელებდა საჭირო ადმინისტრაციულ ხარჯებს.

CNH-ის რუსული განყოფილების შემოსავალი 2021 წელს $380 მილიონი იყო, რაც კომპანიის გლობალური ბრუნვის 2%-ს შეადგენდა. გასული წლის პირველ კვარტალში მწარმოებელმა 71 მილიონი დოლარის ჩამოწერა განახორციელა.

ყველაზე ცნობილი სასოფლო-სამეურნეო ტექნიკის ბრენდები CNH Industrial პორტფელში არის Case IH და New Holland-ი. ჯგუფში ასევე შედის Iveco-ს ბრენდის სატვირთო მანქანები და ავტობუსები.

როგორც ცნობილია, CNH Industrial-ის შვილობილი კომპანიები რუსეთის ფედერაციაში თებერვალში შეიძინა ბიზნესმენ იგორ კიმის სტრუქტურა Экспокап-მა. კიმს აქვს აქტივები ფინანსურ და სამშენებლო სექტორებში და პარტნიორებთან ერთად ფლობს ავტოდილერების ქსელს.