ეროვნული ვალუტა დოლარის მიმართ 2021 წლის პირველ სამ კვარტალში თითქმის 15 პუნქტით გამყარდა, თუმცა წლის განმავლობაში ის მნიშვნელოვანი რყევებით გამოირჩეოდა. თუ 1-ლი იანვრისთვის დადგენილი კურსით ერთი ამერიკული დოლარი 3.2766 ლარი ღირდა, მესამე კვარტლის ბოლოს, ანუ 30 სექტემბრის ოფიციალურმა კურსმა 3.1228 ლარი შეადგინა. ანალიტიკოსები მიიჩნევენ, რომ ეროვნული ვალუტის მერყეობით მხოლოდ საბანკო სისტემა რჩება მოგებული.

ანგარიშგებების მიხედვით, კომერციული ბანკების არასაპროცენტო შემოსავლების დიდი წილი სწორედ ვალუტის ყიდვა-გაყიდვის ოპერაციებიდან მიღებულ მოგებას უჭირავს. კომერციული ბანკების ანგარიშგებების მიხედვით, თორმეტმა ბანკმა 2021 წლის მესამე კვარტალში ვალუტის ყიდვა-გაყიდვის ოპერაციებიდან თითქმის 189 მლნ ლარის მოგება მიიღო, ხოლო ორი ბანკის ზარალმა 3 მლნ ლარს გადააჭარბა. ვალუტის ყიდვა-გაყიდვის წილი მთლიან არასაპროცენტო შემოსავლებში ყველაზე მაღალი ტერა ბანკს და პაშა ბანკს აქვთ.

2021 წლის 30 სექტემბრის მონაცემებით, კომერციული ბანკების რეიტინგი ვალუტის ყიდვა-გაყიდვის ოპერაციებიდან მიღებული მოგების მიხედვით ასეთია:

1. საქართველოს ბანკი - 86,064,850 ლარი (მთლიანი არასაპროცენტო შემოსავლები 329,675,112 ლარი);
   
   
   
2. თიბისი ბანკი - 55,466,666 ლარი (მთლიანი არასაპროცენტო შემოსავლები 465,312,357 ლარი);
   
   
   
3. ვითიბი ბანკი ჯორჯია - 14,070,039 ლარი (მთლიანი არასაპროცენტო შემოსავლები 25,119,439 ლარი);
   
   
   
4. პროკრედიტ ბანკი - 9,740,502 ლარი (მთლიანი არასაპროცენტო შემოსავლები 12,811,881 ლარი);
   
   
   
5. პაშა ბანკი საქართველო - 6,708,230 ლარი (მთლიანი არასაპროცენტო შემოსავლები 3,639,960 ლარი);
   
   
   
6. ტერაბანკი - 5,914,152 ლარი (მთლიანი არასაპროცენტო შემოსავლები 3,617,683 ლარი);
   
   
   
7. სილქ როუდ ბანკი - 3,583,894 ლარი (მთლიანი არასაპროცენტო შემოსავლები 814,236 ლარი);
   
   
   
8. ბანკი ქართუ - 2,517,991 ლარი (მთლიანი არასაპროცენტო შემოსავლები 8,144,538 ლარი);
   
   
   
9. იშბანკი საქართველო - 2,175,784 ლარი (მთლიანი არასაპროცენტო შემოსავლები 2,791,620 ლარი);
   
   
   
10. ზირაათ ბანკი საქართველო - 973,870 ლარი (მთლიანი არასაპროცენტო შემოსავლები 630,545 ლარი);
    
    
    
11. ხალიკ ბანკი საქართველო - ზარალი 971,394 ლარი (მთლიანი არასაპროცენტო შემოსავლები 2,495,125 ლარი);
    
    
    
12. ბაზისბანკი - 805,424 ლარი (მთლიანი არასაპროცენტო შემოსავლები 3,990,129 ლარი);
    
    
    
13. ლიბერთი ბანკი - ზარალი 1,228,765 ლარი (მთლიანი არასაპროცენტო შემოსავლები 19,983,746 ლარი);
    
    
    
14. კრედო ბანკი - ზარალი 1,972,254 ლარი (მთლიანი არასაპროცენტო შემოსავლები 46,311,701 ლარი).