2021 წელს აუქციონზე 268 სახელმწიფო ქონება გაიყიდა. აუქციონი 7 ეტაპად ჩატარდა, გაყიდული ობიექტების ჯამურმა ღირებულებამ კი 213 217 200 ლარი შეადგინა.

გთავაზობთ ტოპ-10 სახელმწიფო ქონებას, რომელიც ყველაზე ძვირად გაიყიდა:

ბათუმში, ფიროსმანის ქუჩა N12 ა-ში არსებული 7023 კვ.მ არასასოფლო-სამეურნეო დანიშნულების მიწის ნაკვეთი - სს დე ჯგუფმა 30 063 000 ლარად შეიძინა.

ბათუმში, ზ. გორგილაძის ქუჩის ბოლოს პოლიტექნიკური ინსტიტუტის მიმდებარედ არსებული 2298.00 კვ.მ. არასასოფლო-სამეურნეო დანიშნულების მიწის ნაკვეთი - შემსყიდველი შპს REAL PALACE - გადახდილი თანხა - 19 155 000 ლარი.

სოფელ მუხრანში არსებული 223936.00 კვ.მ. არასასოფლო-სამეურნეო დანიშნულების მიწის ნაკვეთი - შემსყიდველი გია გორგოშაძე - ღირებულება - 11 125 000 ლარი.

სოფელ მუხრანში მდებარე 771702 კვ.მ. და 634954 კვ.მ. სასოფლო-სამეურნეო (სახნავი) დანიშნულების მიწის ნაკვეთები - შპს ქანდა აგრიქალჩერმა 11 035 000 ლარად შეიძინა.

მცხეთა, მუხათწყარო , მიმდებარედ არსებული 63316 კვ.მ ფართი შპს ლიდერმშენმა 5 251 000 ლარად შეიძინა.

თბილისში, დოდაშვილის ქ. N18–ში არსებული 15637 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები - შემსყიდველი შპს ტიბინი დეველოპმენტი - ღირებულება - 4 718 500 ლარი.

თბილისში, ვანის ქუჩა N1-ს მიმდებარედ 11 286 კვ.მ არასასოფლო-სამეურნეო დანიშნულების მიწის ნაკვეთი და მასზე არსებული N1 შენობა-ნაგებობა - შემსყიდველი შპს გოფრატარა - ღირებულება 3 905 000 ლარი.

თბილიში გაგარინის 24-ში 1024.64 კვ.მ ფართი - შემსყიდველი შპს ჩიგოგიძე ვაინ ბარ - გადახდილი თანხა - 3 545 000 ლარი.

თბილისში, უნივერსიტეტის ქუჩაზე, საბურთალოს სასაფლაოს მიმდებარედ არსებული 4404 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული N1-N5 შენობა-ნაგებობები - შემსყიდველი გელა კაცლოევი - ღირებულება 3 235 000 ლარი.

თბილისში, კახეთის გზატკეცილზე ნავთობაზის მიმდებარედ არსებული 10182.00 კვ.მ. არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები შპს მისო ნოვა კრედიტმა 3 225 000 ლარად შეიძინა.

წყარო: „ბიზნესპრესნიუსი“