თუ 2021 წლის სექტემბრის თვეში შეგეძინათ ბავშვი, ან უკვე გყავთ სამი ან მეტი შვილი, სახელმწიფო დაგეხმარებათ შეცვალოთ თქვენი ცხოვრება, შეიძინოთ ახალი საცხოვრებელი, გაფართოვდეთ, ან გაიუმჯობესოთ პირობები.

როგორ?

მთავრობის ინიციატივით, იპოთეკური სესხის სუბსიდირების პროგრამის ფარგლებში, სახელმწიფო გთავაზობთ ბინის შეძენის/აშენების მიზნით გაცემული სესხის საპროცენტო განაკვეთის თანადაფინანსებას 5 წლის ვადით

ვის შეუძლია ისარგებლოს სუბსიდირების პროგრამით?

ყველას,  ვისაც პატარა შეეძინა/აიყვანა 2021 წლის 1 სექტემბრის შემდეგ და ასევე იმ ოჯახებს, ვისაც ჰყავს 3 ან მეტი შვილი. პროგრამაში მონაწილეობა შეუძლიათ ქორწინებაში მყოფ მშობლებს, მარტოხელა მშობელსა და ქვრივს.

სესხის რამდენ პროცენტს დაფარავს სახელმწიფო?

ზოგადად, სუბსიდირებული განაკვეთი დამოკიდებულია მსესხებლის ინდივიდუალურ მონაცემებსა და მდგომარეობაზე, თუმცა, პროგრამის ფარგლებში მრავალშვილიან მშობლებს (სამი ან მეტი შვილი) სახელმწიფო იპოთეკური სესხის 1.5%-დან 8%-მდე დაუფინანსებს, ხოლო ერთი ან ორი შვილის მშობელს - 3.5%-დან 6%-მდე.  მაგალითად, თუ თქვენ ამა წლის სექტემბერში შეგეძინათ შვილი და აიღეთ იპოთეკური სესხი 14%-ში საცხოვრებლის შესაძენად, სახელმწიფო ამ 14%-დან დაგიფინანსებთ 6%-ს და თქვენ 5 წლის განმავლობაში მხოლოდ 8%-ს გადაიხდით.

აღსანიშნავია, რომ სესხის მოცულობა არ უნდა აღემატებოდეს 200 000 ლარს, ოღონდ ეს არ ნიშნავს იმას, რომ თქვენ გაქვთ აკრძალვა შეიძინოთ 300 000-ად, ან 500 000-ად ღირებული ქონება. უბრალოდ, სახელმწიფო დაასუბსიდირებს, მხოლოდ 200 000 ლარის იპოთეკური სესხის შესაბამის პროცენტს, დანარჩენ თანხაზე თავად მსესხებელმა უნდა იზრუნოს.

სად მოვძებნოთ სასურველი ბინა და როგორ გამოვითვალოთ სუბსიდირების პროცენტი?

უძრავი ქონების პლატფორმა Area.ge საკუთარ სივრცეში წარმოადგენს მუდმივად განახლებად გასაყიდი ქონების ფართო არჩევანს. არეაზე შესაძლებელია მოძებნოთ როგორც პირველადი, ასევე მეორეული ქონება, კერძო სახლები თუ მიწის ნაკვეთები. პლატფორმიდან მიიღებთ დეტალურ ინფორმაციას დეველოპერული კომპანიების პროექტების, ექსკლუზიური შეთავაზებების და აქციების შესახებ. ასევე, Area.ge-ზე შეგიძლიათ გაეცნოთ სუბსიდირების პროგრამას

მას შემდეგ, რაც მაძიებელი შეარჩევს ქონებას არეას საიტზე, სესხის კალკულატორის დახმარებით შეუძლია,  გამოთვალოს სავარაუდო საპროცენტო განაკვეთი სუბსიდირების ჩათვლით და შემდეგ გააგზავნოს იპოთეკური სესხის დისტანციური მოთხოვნა ონლაინ, სახლიდან გაუსვლელად. 3 სამუშაო დღეში ბანკის წარმომადგენელი დაგიკავშირდებათ და  სესხის შეთავაზებას ფილიალში მიუსვლელად მიიღებთ. გასათვალისწინებელია, რომ სუბსიდირების პროგრამის ფარგლებში იპოთეკური სესხის აღება მხოლოდ ეროვნულ ვალუტაშია შესაძლებელი.

(R)