,საყოველთაო ჯანდაცვის სისტემაში მონაწილეობა ან დატოვება, არცერთი კლინიკის თვითმიზანი არ არის,- ამის შესახებ, ,,ჯეო ჰოსპიტალსის“ გენერალური დირექტორი რადიო ,,პალიტრასა“ და ,,პალიტრანიუსის“ გადაცემაში ,,საქმე“ აცხადებს,

ზურა ქიტოშვილის თქმით, თუ სიტუაცია კრიტიკულ ფაზაში შევა, კლინიკებს არჩევანის საშუალება უბრალოდ აღარ ექნებათ.

,, თვითონ სამინისტროსთან კომუნიკაცია ძალიან აქტიურია კერძო სექტორის მხრდან. მიუხედავად მათ შორის სახელმწიფოს მხრიდან სურვილისა, პროცესი დროში სწრაფად დამთავრდეს სისტემა ძალიან რთულია. პროცესი სრულად ხარვეზებაღმოფხვრილი რომ ჩაეშვას მოკლე დროში შეუძლებელია.ვფიქრობ, თუნდაც დროში გაწელილი, მაგრამ უხარვეზო სისტემის ჩამოყალიბება ბევრად ოპტიმალურია. უნდა მივიღოთ ხარისხი, რათა უარეს მდგომარეობაში არ ჩავაგდოთ სექტორი. რაც შეეხება სახელმწიფო ბიუჯეტის ხარჯების ზრდას, ეს ჩვენი თვითმიზანი არ არის.

უნდა დაიყოს ორ ნაწილად რეგიონები და ჰაბური ლოკაციები. რეგიონებში, განსაკუთრებული პრობლემაა და განსხვავებული გამოწვევები. როცა ვსაუბრობთ ტარიფებზე რომლებიც 2013 წლიდან დადგინდა, ეს ხდება კლინიკების შემთხვევაში,რომელიც პირველ ეტაპზევე ჩავერთეთ სისტემაში. რომელი კლინიკაც რომელ წელს შეუერთდა, იმის მიხედვითაა ტარიფები და ეს ქმნის არა თანაბარ სისტემას, რაც არაჯანსაღ კონკურენციას იწვევს. ასოციაციის ფარგლებში ვგეგმავთ, მივმართოთ კონკურენციის სააგენტოს, რომ ამ პროცესშიც მოხდეს დაჩქარებული ჩართულობა. ამ ყველაფერს ემატება ისიც, რომ შეიძლება მოინახოს ფორმა, რითაც ბიუჯეტის ჯამური დაფინანსება არ გაიზრდება და სწორ ლოგიკასა და პრინციპზე იქნება მიდგომა დამყარებული. დაიყოფა სოციალური ფენები რა მიმართულებითაც მოხდება გადანაწილება.

საყოველთაო ჯანდაცვის სისტემაში მონაწილეობა ან დატოვება, არცერთი კლინიკის თვითმიზანი არ არის. სერვისების უწყვეტობა, მოსახლეობის გვერდით დგომაა მთავარი. რაც განსაკუთრებით ეფექტურად მოახდინა სექტორმა კოვიდ პანდემიის დროს. მაშინ ძალიან მოკლე დროში მოვახერხეთ გადალაგება. თუმცა, თუ სიტუაცია კრიტიკულ ფაზაში შევა, არჩევანის საშუალება აღარ გვექნება, თუ ვეღარ შეძელი ოპერირების გაგრძელება, იქედან გამომდინარე რომ ხელფასი და კომუნალურები ვერ გადაიხადე, ეს შედეგი დადგება. ამ რისკის წინაშე სექტორში მოთამაშე კლინიკების უმრავლესობა დგას. განსაკუთრებით მძიმე მდგომარეობა რეგიონებშია და იქ ოპერირება უფრო რთულია. ის რაც ადრე სხვა რესურსებით ბალანსდებოდა შეიძლება ვეღარ მოხდეს და სერვისის უწყვეტობის რისკი დაგვიდგეს- განაცხადა ზურა ქიტოშვილმა ,,საქმეში.

შეგახსენებთ, 100-მდე კლინიკამ ჯანდაცვის მინისტრს ღია წერილით მიმართა. ყველაზე მსხვილი დარგობრივი ასოციაციის წერილი 11 ივლისს ჯანდაცვის მინისტრის იმ განცხადებაზე გამოხმაურებაა, რა დროსაც ზურაბ აზარაშვილმა კლინიკებს ფაქტობრივად შეთანხმებულ ტარიფების ინდექსაციაზე უარი უთხრა და თქვა, რომ DRG-ის, ანუ დაფინანსების ახალი მოდელის ამოქმედებამდე, რაც დაანონსებულია, რომ წლის ბოლოდან უნდა გავრცელდეს კლინიკებზე, სამინისტრო საყოველთაო ჯანდაცვის პროგრამის ფარგლებში დადგენილი ტარიფების გადახედვას არ აპირებს. სექტორი კი დროულად ითხოვს სატარიფო პოლიტიკის ცვლილებას

bpn.ge