რუსეთის უდიდესი საკრედიტო ბანკის, „სბერბანკის“ ევროპული შტო გაკოტრების პირასაა. ამის შესახებ, დღეს ევროპის ცენტრალურმა ბანკმა (ECB) გამოაცხადა. რუსეთის უკრაინაში შეჭრის გამო, რუსეთის წინააღმდეგ ამოქმედებული სანქციები უკვე მოქმედებს. ბანკის მეანაბრეები თავიანთ დეპოზიტებს ითხოვენ.

ECB-ის ინფორმაციით, გაკოტრება ემუქრებათ „სბერბანკ ეუროპს“ და რუსული ბანკის კიდევ ორ ფილიალს, რომლებიდანაც დეპოზიტების მნიშვნელოვანი გადინება დაიწყო. ეს ყველაფერი კი სწორედ გეოპოლიტიკურ დაძაბულობას უკავშირდება. ECB აცხადებს, რომ რუსულ ბანკს დეპოზიტების გადახდა გაუჭირდება

ავსტრიის ფინანსური ბაზრის სამმართველომ, „სბერბანკ ეუროპს“ მორატორიუმი დაუწესა. გერმანიის საფონდო ბაზრის ოპერატორმა „დოიჩე ბორსემ“ გამოაცხადა, რომ რუსული ემიტენტების ფასიანი ქაღალდებით ვაჭრობას დაუყოვნებლივ წყვეტს. მის ჩამონათვალში „სბერბანკის“ გარდა, „VTB ბანკიც“ შედის.

ბანკები და მათი იურისტები დიდი მონდომებით ცდილობენ იმ ზარალის და ზემოქმედების შეფასებას, რომელიც სისტემა გადახდის გლობალურ სისტემა SWIFT-დან, რუსეთის მსხვილი ბანკების ჩახსნას მოჰყვება. „როიტერის“ ინფორმაციით, ბრიტანული საბანკო გიგანტი HSBC, რუსულ ბანკებთან, მათ შორის, მეორე უდიდეს რუსულ ბანკ VTB-სთან ურთიერთობას წყვეტს.

უკრაინში რუსეთის მიერ დაწყებული ომის საპასუხოდ წამოწყებული უპრეცედენტო სანქციების გამო, იმ დასავლური ბანკებიც ზარალობენ, რომლებსაც ბიზნესი რუსეთში აქვთ. მათ შორისაა ავსტრიული „რაიფაიზენ ბანკი“, რომლის საბაზრო ღირებულებაც 15 პროცენტით დაეცა, „სოსიეტე ჟენერალი“, რომლის აქციებიც 10.7 პროცენტით გაუფასურდა და „უნიკრედიტი“, რომელმაც 8 პროცენტი დაკარგა. გერმანულმა „დოიჩე ბანკმ“, რომელმაც ახლახანს მოსკოვში ახალი შტაბ ბინა გახსნა, 8.5 პროცენტით იზარალა.

„სბერბანკი“ აცხადებს, რომ მოკლე დროში, დეპოზიტების გატანაზე უპრეცედნტოდ ბევრი მოთხოვნ მიიღო. ის ახლო კონტაქტს ინარჩუნებს ცენტრალურ ბანკებთან. სლოვენიაში ბანკმა ოთხშაბათამდე შეაჩერა მუშაობა და ტრანზაქციების მოცულობა, დღეში 400 ევრომდე შეკვეცა. ხორვატიაში ეს დღიური ლიმიტი ჯერჯერობით 1 000 ევროთი განისაზღვრა.

bpn.ge