ევროკავშირი ყველა თავისი პრინციპის და ე.წ. ღირებულებების დარღვევით ახალისებს ლეტალური იარაღის უკრაინისთვის მიწოდებას, - ამის შესახებ რუსეთის საგარეო საქმეთა მინისტრმა სერგეი ლავროვმა თურქეთში, ანტალიაში, უკრაინის საგარეო საქმეთა მინისტრ დმიტრო კულებასთან შეხვედრის შემდეგ გამართული პრესკონფერენციისას განაცხადა.
მისივე თქმით, ტერორისტები ძალიან ხშირად იყენებდნენ საზენტო-სარაკეტო კომპლექსებს იმისათვის, რომ სამოქალაქო ავიაციაციისთვის საფრთხე შეექმნათ და ეს საფრთხე მრავალი წლის განმავლობაში იარსებებს.
„უკრაინისთვის იარაღის მიწოდებას რაც შეეხება, ვხედავთ, თუ რამდენად სახიფათოდ მოქმედებენ ჩვენი დასავლელი პარტნიორები. ევროკავშირი ყველა თავისი პრინციპის და ე.წ. ღირებულებების დარღვევით ახალისებს ლეტალური იარაღის უკრაინისთვის მიწოდებას - ათასობით გადასატანი საზენიტო-სარაკეტო კომპლექსი, რომელთა გადატანაც ყველგან არის შესაძლებელი. ტერორისტები მათ ძალიან ხშირად იყენებდნენ იმისათვის, რომ სამოქალაქო ავიაციაციისთვის საფრთხე შეექმნათ. სად მოხდება ამ გადასატანი საზენიტო-სარაკეტო კომპლექსების გადატანა, ამ კითხვას ჩვენს კოლეგებს ევროკავშირში ვუსვამთ. როდესაც ისინი ინტერესდებიან იმით, თუ როგორ უნდა დასრულდეს უკრაინაში რუსეთისადმი საფრთხისა და მუქარების შემცველი პოლიტიკა, რომელიც ბევრი წლის განმავლობაში ყალიბდებოდა, მათ პასუხი არ აქვთ. ეს საფრთხე და რისკი სამოქალაქო ავიაციისთვის მრავალი წლის განმავლობაში იარსებებს და ეს არ ეხება მხოლოდ უკრაინის საჰაერო სივრცეს, აღნიშნული საფრთხე შეიძლება მთელ ევროპას შეეხოს“, - განაცხადა ლავროვმა.
ipn.ge
სერგეი ლავროვი
