თბილისის ავტოსადგურებში მოთხოვნის მკვეთრ ზრდაზე საუბრობენ. თუკი შარშან ამ დროს პანდემიური ვითარების გამო რეგიონების მიმართულებით რესისები პასიური იყო, დღეის მდგომარეობით, მოთხოვნა გაორმაგებულია. აღნიშნულთან დაკავშირებით ,,კომერსანტთან“ ავტოსადგურ ,,დიდუბის“ დირექტორი ნესტორ მიქატაძე საუბრობს. მისი თქმით, მძღოლები მაქსიმალურად ცდილობენ, რომ დანაკარგის კომპენსირება სადღესასწაულო პერიოდში გაზრდილი მოთხოვნით მოახერხონ, განსაკუთრებით შორ რესიებზე, რომელიც მაქსიმალურად დატვირთულია.
მიიღე ინფორმაცია უფრო სწრაფად „კომერსანტის“ Telegram-ზე.
,,აღდგომის დღეებზე ავტოსადგური მაღალი დატვირთვით მუშაობს. დანარჩენ პერიოდში დიდი ჩავარდნაა, მგზავრთა ნაკლები ნაკადებია, მძღოლებს მუშაობა შემცირებული აქვთ. თუმცა ბოლო სამი დღეა მოთხოვნა გაორმაგდა, ფასები არ შეგვიცვლია. შედარება არ არის იმ ვითარებასთან, რა პირობებშიც 2020-2021 წლებში გვიწევდა მუშაობა. განსაკუთრებით შორი რეისებია აქტიური, როგორიცაა, ქუთაისი, ტყიბული, ბათუმი, ხარაგაული და ზუგდიდი. თუმცა, თუკი წინა თვეების ტენდენციაზე ვისაუბრებთ, სიტუაცია ნამდვილად არასახარბიელოა. გორში მუდმივად დადიან ჩვეულებრივ, ყველაზე მეტი მგზავრი ამ მარშრუტს ჰყავს, ტრანსპორტი, ფაქტობრივად, ყოველ ნახევარ საათში გადის, მაგრამ სხვა მიმართულებებზე პრობლემაა. მაგალითისთვის, პანდემიამდე ტყიბულის რეისს დღიურად 8 მანქანა ასრულდება და დღეს მათი რაოდენობა განახევრებულია. მძღოლებსაც ურჩევნიათ, შეთანსხმდენ, რეისების რაოდენობა მოაკლონ და არსებული ფასი შეინარჩუნონ, წინააღმდეგ შემთხვევაში, დიდი კრიზისი იქნება და ამ რისკზე ვერავინ წავა“, - ამბობს მიქატაძე.
რაც შეეხება ტარიფებს, მისი თქმით, ,,ბენზინსა და დიზელზე არანორმალურად მაღალი ფასების გამო საქალაქთაშორისი ტრანსპორტის მომსახურებაც გაძვირდა 5-7 ლარის ფარგლებში და 25-30 ლარს აღწევს ფასი, რაც ცხადია მგზავრთა ნაკადებზეც აისახება.
,,15 მარტს ახალი ტარიფები მძღოლების მოთხოვნით დადგინდა. გაძვირდა ბათუმის, ქუთაისის, წყალტუბოს და ტყიბულის მიმართულებები. ამ ეტაპზე, მიუხედავად იმისა, რომ სადღესასწაულო პერიოდია, ფასები არ შეგვიცვლია, ვერც შევეხებით. ეს მგზავრთა გადამყვანებმაც კარგად იციან და არც აქვთ პრეტენზია. ახლა ყველა ცდილობს, სააღდგომო პერიოდში მაქსიმალურად დაიტვირთონ და დანაკარგის კომპენსირება რაღაც დონეზე მაინც მოახერხონ“, - ამბობს ნესტორ მიქატაძე ,,კომერსანტთან“.
შეგახსენებთ, რომ საქალაქთაშორისო ტრანსპორტის ფასები მარტში დაახლოებით 10-15%-ის ფარგლებში გაძვირდა. მაგალითისთვის, თუკი აქამდე თბილისიდან რუსთავამდე გადაადგილება 1,8 ლარად შეიძლებოდა, ახლა ფასი სხვადასხვა მარშრუტზე 2,5 ან 2,8 ლარია. რუსთავში მგზავრობა მარტში გაძვირდა შიდა საზოგადოებრივ ტრანსპორტზეც. მგზავრობისთვის მგზავრებს 50 თეთრის ნაცვლად, 80 თეთრის გადახდა უწევთ.
რაც შეეხება შორ რეისებს, რიგი მიმართულებებით მგზავრობა 3-დან 5-7 ლარის ფარგლებში , ანუ დაახლოებით 10-15%-ით გააძვირეს. თბილისი-ქუთაისის მიმართულებით მგზავრობა 15 ლარი ნაცვლად, უკვე 20 ლარი ღირს, ზუგდიდის მიმართულებით - 25 ლარი, თეთრიწყაროს მიმართულებით 4.5 ლარის ნაცვლად, 6 ლარს შეადგენს.
მარი ჩიტაია