„შეიძლება ითქვას, რომ ეს  არის ყველაზე აუხსნელი ინფლაცია“ -  ამის შესახებ, რადიო „კომერსანტის“ გადაცემაში „პროფესიონალები“ IDFI-ს ეკონომიკური და სოციალური მიმართულების ხელმძღვანელმა მიხეილ კუკავამ ისაუბრა. კუკავას განმარტებით ინფლაციის გამომწვევი ორი უმთავრესი მიზეზი არის პანდემია,რომლის ეფექტი  ჯერ კიდევ  არ დასრულებულია და რუსეთის უკრაინაზე თავდასხმა.

„ინფლაცია მთელ მსოფლიოში დაუძლეველ გამოწვევად იქცა, მათ შორის  იყო აშშ- ის ცენტრალური ბანკის უმთავრესი შეცდომა, რა გაზზე ფეხის დაჭერას გულისხმობდა და 2020 და 2022 წელს ბიზნესისთვის ვალის ყიდვით ფულის მიყრას ნიშნავდა. ფაქტობრივად FED - მა ამერიკულ ბიზნესებს იმაზე მეტი ასესხა, ვიდრე ეს გათვალისწინებული იყო. ამდენად მივიღეთ ის, რომ FED - ს მუხრუჭზე ფეხის დაჭერა მოუხდა.

ჩვენი ეროვნული ბანკი იმავეს არ აკეთებს და ობლიგაციებს არ ყიდულობს, მიუხედავად იმისა, რომ ეს არის კაპიტალის ბაზრის განვითარებისთვის კრიტიკულად მნიშვნელოვანი. თუმცა მას ეს კანონში არ უწერია და აუტკივარი თავი ეროვნულმა ბანკმა რატომ უნდა აიტკივოს. რაც შეეხება ჩვენი ეროვნული ბანკის მკაცრ პოლიტიკას ეს იყო გაუმართლებელი, ხოლო FED - ის მიერ მონეტარული პოლიტიკის გამკაცრება გასაგებია, იმის გათვალისწინებით , რომ მან დაუშვა  ეს  შეცდომა, მიუშვა სადავეები იმაზე მეტად, ვიდრე უნდა მოეშვა. ხოლო ჩვენ ეს არ გვჭირდება და რატომ ვაჭერთ ფეხს“, -  აღნიშნა მიხეილ კუკავამ.

კუკავამ აღნიშნა, რომ ეროვნული ბანკის უმთავრესი  ინსტრუმენტი მონეტარული პოლიტიკის  განაკვეთი და ინტერვენციებია, თუმცა ეს ინტერვენციები ბოლო პერიოდში აქტიურად  არ  გვჭირდებოდა. ეროვნულ ბანკს შეზღუდული აქვს ინსტრუმენტები, როგორ შეიძლება, რომ ამ ინსტრუმენტებით ეროვნულმა ბანკმა ხელი  შეუწყოს  ან კაპიტალის ბაზრის განვითარებას , ან ეკონომიკურ ზრდას. ერთადერთი ქმედითი რაც აქვს ეს არის ინტერვენციები და თუ რაღაც  კატასტროფა მოხდება მაშინ იყენებს. მაგალითად როდესაც  ლარი გაიქცა სიგნალები გააგზავნეს , ინტერვენციები  არის  ბაზრისთვის  სიგნალი, მეტი არაფერი“ -  აღნიშნა მიხეილ კუკავამ . 

თაკო კვაჭანტირაძე