ერთ-ერთი უმსხვილესი ბრიტანული ნავთობკომპანია Shell-ი რუსეთში არსებულ მის ყველა ოპერაციას ტოვებს, მათ შორის, უმსხვილეს ბუნებრივი აირის გათხევადების საწარმოს. ის გახდა ბოლო დასავლური კომპანია, რომელმაც დატოვა ნავთობით მდიდარი რუსეთი, მას შემდეგ, რაც მოსკოვი შეიჭრა უკრაინაში - წერს „როიტერი“.

გადაწყვეტილება მიღებულ იქნა მისი კონკურენტი BP-ის მიერ ქვეყნის დატოვებიდან ზუსტად ერთ დღეში, რომელიც ჩაეხსნა პარტნიორს Rosneft, რაც კომპანიას 25 მლრდ დოლარის დანაკარგს მოუტანს. რუსეთის დატოვებას აპირებს ასევე ნორვეგიული კომპანია Equinor-ი.

ბრიტანეთში დაფუძნებული კომპანია Shell-ის ყველაზე დიდი პროექტი რუსეთში არის Sakhalin-2, რომელსაც კომპანია მსოფლიოში ნავთობისა და გაზის ერთ-ერთ უდიდეს ინტეგრირებულ პროექტს უწოდებს. Shell-ს აქვს 27,5%-იანი წილი საწარმოში, რომელსაც „გაზპრომი“ აკონტროლებს. სხვა ინვესტორებს შორის არის Mitsui და Mitsubishi of Japan.

პროექტი სამ საზღვაო პლატფორმას, სახმელეთო გადამამუშავებელ ობიექტს, 300-კილომეტრიან საზღვაო მილსადენს და 1600 კილომეტრის სახმელეთო მილსადენებს, ასევე, ნავთობის საექსპორტო ტერმინალსა და თხევადი ბუნებრივი გაზის ქარხანას მოიცავს.

Shell-ი ამბობს, რომ Sakhalin-2 თხევადი ბუნებრივი გაზის მსოფლიო ბაზარს, დაახლოებით, 4%-ით უზრუნველყოფს. იაპონია, სამხრეთ კორეა და ჩინეთი ნავთობისა და თხევადი ბუნებრივი გაზის ექსპორტის მთავარი მომხმარებლები არიან.

bpn.ge