ყოველ ოთხშაბათს 10:10 საათზე რადიო კომერსანტი თავის მსმენელს სთავაზობს რუბრიკას „შენი საგადასახადო მრჩეველი“.
„შენი საგადასახადო მრჩეველი“ - „კომერსანტისა“ და კომპანია „გრანთ თორნთონის” ერთობლივ პროექტს წარმოადგენს.
19 აპრილის გადაცემა, რომელსაც „გრანთ თორნთონის“ საგადასახადო მიმართულების მენეჯერი ნათია ჩაგანავა უძღვებოდა, თავისუფალი ინდუსტრიული ზონის საწარმოს საკითხს მიეძღვნა.
რა არის თავისუფალი ინდუსტრიული ზონის საწარმო და არსებობს თუ არა ამ ტიპის საწარმოებისთვის რაიმე შეზღუდვები
თავისუფალი ინდუსტრიული ზონის საწარმო, არის საწარმო რომელიც შექმნილია თავისუფალი ინდუსტრიული ზონების შესახებ კანონის შესაბამისად. თავისუფალი ინდუსტრიული ზონის საწარმო შეიძლება იყოს ნებისმიერი ორგანიზაციულ სამართლებრივი და საკუთრების ფორმის საწარმო, რომელიც რეგისტრირებულია თავისუფალ ინდუსტრიულ ზონაში საქართველოს კანონმდებლობით დადგენილი საწარმოთა რეგისტრაციის ნორმების შესაბამისად.
თავისუფალი ინდუსტრიული ზონების საწარმოებს აქვთ გარკვეული შეზღუდვები
და აკრძალვები:
თავისუფალი ინდუსტრული ზონებში დასაშვებია ნებისმიერი საქონლის წარმოება, გადამუშავება ან მომსახურების გაწევა, გარდა აკრძალული საქმიანობებისა, კერძოდ:
თავისუფალ ინდუსტრიულ ზონაში აკრძალულია:
• იარაღის, საბრძოლო მასალის წარმოება, იარაღით და საბრძოლო მასალით ვაჭრობა;
• ბირთვული, რადიოაქტიური ნივთიერებების წარმოება, ბირთვული, რადიოაქტიური ნივთიერებებით ვაჭრობა; ნარკოტიკული და ფსიქოტროპული საშუალებების შეტანა, შენახვა, წარმოება ან/და რეალიზაცია და
• თამბაქოს ნაწარმის ან/და თამბაქოს ნედლეულის შეტანა, შენახვა, წარმოება ან/და რეალიზაცია, გარდა ამ საქონლის ადგილზე მოხმარების შემთხვევისა.
ასევე თიზ-ის საწარმოს ეკრძალება:
საქართველოს კანონმდებლობით რეგისტრირებული პირისაგან მომსახურების შეძენა, გარდა:
• თავისუფალი ინდუსტრიული ზონის ორგანიზატორის ან/და ადმინისტრაციის მიერ დაცვის მომსახურების გაწევისა ან/და ქონების ქირით ან იჯარით გადაცემისა;
• ტრანსპორტის, კავშირგაბმულობის, კანალიზაციის, აუდიტორული ან/და საკონსულტაციო მომსახურებისა, ლიცენზირებული ფინანსური ინსტიტუტის მიერ ფინანსური ოპერაციების განხორციელებისა ან/და ფინანსური მომსახურების გაწევისა,აგრეთვე ძირითად საშუალებათა დადგმისა, მონტაჟისა ან/და მშენებლობის მომსახურების გაწევისა;
• საქართველოს კანონმდებლობით რეგისტრირებული პირისათვის (გარდა თიზ-ის საწარმოსი) მომსახურების გაწევა.
ასევე თიზ-ის საწარმოს არ ეკრძალება საქართველოს კანონმდებლობით რეგისტრირებული პირისაგან შემდეგი სახის მომსახურების შეძენა
• ავტოტექნიკური , სწრაფი კვების , საფოსტო, სამედიცინო, სარეკლამო, ლაბორატორიული, საპროექტო, დიზაინერული,საექსპედიტორო სახანძრო ექსპერტიზის , დასუფთავებისა და ნარჩენების მართვის, ძირითადი საშუალებების შეკეთების და სალიზინგო მომსახურებები.
იმ შემთხვევაში თუ თიზის საწარმო მოახდეს ზემოთ ჩამოთვლილი საქონლი/მომსახურებისგან განსხვავებული საქონლის/მომსახურების შეძენას საქართველოს კანონმდებლობით რეგისტრირებული პირისაგან თიზ-ის საწარმო ვალდებულია წარადგინოს შესაბამისი დეკლარაცია და გადაიხადოს შეძენილი საქონლის/მომსახურების საბაზრო ფასის 4 პროცენტი არაუგვიანეს საქონლის მიწოდების თვის მომდევნო თვის 15რიცხვისა.
ასევე თუ თიზ-ის საწარმო განახორციელებს საქონლის მიწოდებას საქართველოს კანონმდებლობით რეგისტრირებული პირისათვის თიზ-ის საწარმო ვალდებულია წარადგინოს შესაბამისი დეკლარაცია და გადაიხადოს მიწოდებული საქონლის საბაზრო ფასის 4 პროცენტი არაუგვიანეს საქონლის მიწოდების თვის მომდევნო თვის 15რიცხვისა.
რა საგადასახადო შეღავათებით სარგებლოს თავისუფალი ინდუსტრიული
ზონის საწარმო?
თავისუფალი ინდუსტრიული ზონის საწარმო სარგებლობს შემდეგი საგადახადო შეღავათებით:
• მოგების გადასახადისგან გათავისუფლებულია თიზ-ის საწარმოს მიერ თავისუფალ ინდუსტრიულ ზონაში ნებადართული საქმიანობიდან მიღებული მოგების განაწილება.
• თავისუფალი ინდუსტრიული ზონის საწარმოს მიერ დივიდენდის განაწილების შემთხვევაში დივიდენდი გადახდის წყაროსთან არ იბეგერბა.
• ქონების გადასახადისგან გათავისუფლებულია თავისუფალ ინდუსტრიულ ზონაში არსებული ქონება
რომელი საქმიანობიდან მიღებული მოგების განაწილების შემთხვევაში
შიეძლება თიზ-ის საწარმომ ისარგებლოს საგადასახადო
შეღავათით მოგების და საშემოსავლო გადასასახდებში ?
თავისუფალი ინდუსტრიული საწარმოს მიერ საქონლის წარმოება
თუ თავისუფალი ინდუსტრიული ზონის საწარმო ახოციელებლს საქონლის წარმოებას, ( გარდა იმ საქონლისა რომელიც თავისუფალი ინდუსტრიული წონების შესახებ საქართველოს კანონის თანახმად ეკრძალება თავისუფალი ინდუსტრიული ზონის საწარმოს. ) ასეთი საქმიანობა ითვლება თავისუფალი ინდუსტირული საწარმოსათვის ნებადართულ საქმიანობად და ასეთი საქმიანობიდან მიღებული მოგების განაწილება არ დაიბეგრება მოგების გადასახადით, ასევე განაწილებული დივიდენდი არ დაექვემდებარება გადახდის წყაროსთან საშემოსავალი გადასახადით დაბეგვრას.
თავისუფალი ინდუსტრიული ზონის საწარმოს მიერ საქონლის ყიდვა-გაყიდვა,საქონლის თიზ-ის ტერიტორიაზე დასაწყობების დროს
თუ თიზ-ის საწარმო ახორციელებს საქონლის შეძენას საქართველოს ფარგლებს გარეთ, ასაწყობებს შეძენილ საქონელს თიზ-ის ტერიტორიაზე და შემდეგ ახორციელებს აღნიშნული საქონლის რეალიზაციას საქართველოში და მის ფარგლებს ეს საქმიანობა განხილულ იქნება თავისუფალ ინდუსტრიულ ზონაში ნებადართულ საქმიანობად და ასეთი საქმიანობიდან მიღებული მოგების განაწილებაზე გავრცელდება მოგების გადასახადის საგადასახადო შეღავათი. ასევე გაცემული დივიდენდი არ დაიბეგრება გადახდის წყაროსთან.
ნათია ჩაგანავამ გადაცემაში ასევე განიხილა ისეთი საქმიანობები, რომლებზეც არ გავრცელდება საგადასახადო შეღავათი მოგების გადასახადში და საშემოსავლო გადასახადში დივიდენდის განაწილების შემთხევევაში.
თავისუფალი ინდუსტრიული ზონის საწარმოს მიერ საქონლის შეძენა საქართველოს ფარგლებს გარეთ და რეალიზაცია
თუ თიზ-ის საწარმო ახორციელებს საქონლის შეძენას საქართველოს ფარგლებს გარეთ და შემდგომ მის რეალიზაციას, ასევე საქართველოს ფარგლებს გარეთ ისე, რომ საქონელი არ ექცევა თავისუფალი ზონის პროცედურაში ანუ არ ხორციელდება საქონლის შემოტანა და დასაწყობება თავისუფალი ინდუსტრიული ზონის ტერიტორიაზე.
თიზ-ის საწარმოს მიერ თავისუფალი ზონის პროცედურაში მოქცევის გარეშე უცხოური საქონლის შეძენა და მიწოდება საგადასახადო შეღავათის მიზნებისთვის, არ მიიჩნევა თავისუფალ ინდუსტრიულ ზონაში ნებადართულ საქმიანობად. შესაბამისად ასეთი საქმიანობიდან მიღებული მოგების განაწილება დაიბეგრება ჩვეულებრივი წესით. რაც გულისხმობს იმას, რომ მოგების განაწილების დროს საწარმო ვალდებულია გადაიხადოს მოგების გადასახადი 15% ის ოდენობით და განაწილებული დივიდენდი დაიბეგრება გადახდის წყაროსთან საშემოსავლო გადასახადის 5% იანი განაკვეთით.
თავისუფალი ინდუსტრიული ზონის საწარმოს არარეზიდენტისათვის მომსახურების გაწევა
თუ თიზ-ის საწარმო არხორციელებს მომსახურების გაწევას არარეზიდენტი პირებისათვის ასეთი საქმიანოაბ არ მიიჩნევა თავისუფლადი ინდუსტრიული ზონაში ნებადართულ საქმიანობად. შესაბამისად ასეთი საქმიანობიდან მიღებული მოგების განაწილება დაიბეგრევა ჩვეულებრივი წესით. რაც გულისხმობა იმას, რომ მოგების განაწილების დროს საწარმო ვალდებულია გადაიხადოს მოგების გადასახადი 15% ის ოდენობით და გადანწილებულ დივიდენდი დაიბეგრება გადასახდის წყარსოთან საშემოსავლო გადასახადის 5% იანი განაკვეთით.