რა ქონებას ფლობს აშშ-ის მიერ სანქცირებული ყოფილი მოსამართლე ვალერიან ცერცვაძე და მისი ოჯახი. როგორც მისი ბოლო - 2018 წელს შევსებული დეკლარაციიდან ხდება ცნობილი ვალერიან ცერცვაძის მფლობელობაშია ბორჯომის რაიონის სოფ.სადგერი, 972 კვ.მ მიწის ნაკვეთი, რომელიც 2009 წელს შეიძინა $8000-ად. ასევე სოფელ დიღომში, ანდრონიკაშვილის ქუჩაზე მდებარე 2500 კვ.მ მიწის ნაკვეთი 2011 წელს შეძენილი $55000-ად, სადაც $80000-ად 2013 წელს სახლი ააშენა, რომლის საერთო ფართც 225 კვ.მ-ია. მისი მეუღლის გვანცა მიქუჭაძის მფლობელობაშია ონის რაიონის სოფელ ჟაშქვაში 600 კვ.მ მიწის ნაკვეთი, რომელიც 2011 წელს 2000 ლარად იქნა შეძენილი. 2018 წელს ასევე ვალერიან ცერცვაძის მფლობელობაში იყო მსუბუქი ავტომანქანა ssangyong Kyron, რომელიც 2009 წელს $15500-ად იქნა შეძენილი.
ვალერიან ცერცვაძეს ეკუთვნის 2021 წელს დარეგისტრირებული შპს გრინ სფეის შუაგულის 50% წილი. 25-25%-ს კი კონსტანტინე და ლევან აბზიაძეები ფლობენ. საჯარო რეესტრის ინფორმაციის თანახმად მიმდინარეობს ლიკვიდაციის პროცესი.
დასასვენებელი კომპლექსის „შუაგულის“ დამფუძნებელი და ხელმძღვანელი ვალერიან ცერცვაძის მეუღლე გვანცა მიქუჭაძეა.
გვანცა მიქუჭაძესთან არის დაკავშირებული შემდეგი კომპანიები:
შპს ჯეველბერი ჯორჯია - დირექტორი - 50% (50% კი რუსეთის მოქალაქე ვიტალი იაზვენკოს კუთვნილებაა.)
შპს აიტექნიკი - 404900531 - 80%
შპს ივენთ გარდენი - დირექტორი
შპს სითი გარდენი - დირექტორი - 100%
შპს ეკო ტექნიკა - დირექტორი - 70%
შპს ვი.ენ.ჯი გრუპ - პროკურისტი
ვალერიან ცერცვაძის მამასთან მურთაზ ცერცვაძესთან არის დაკავშირებული შემდეგი კომპანიები.
შპს გარდენ სითი - დირექტორი - 100%
შპს აიტექნიკი - 33%
შპს ვი.ენ.ჯი გრუპ - დირექტორი - 50%
შპს გვლ - 33%
მანი - ხელმძღვანელი - 30%