შვედეთის სპეცსამსახურებმა რუსი წყვილი - სერგეი სკვორცოვი და ელენა კულკოვა გასულ კვირას რუსეთის სამხედრო დაზვერვასთან თანშრომლობისათვის დააკავა. ამის შესახებ ინფორმაციას The Times-ი ავრცელებს

59 წლის სკვორცოვი და 58 წლის კულკოვა მოსკოვიდან სტოკჰოლმის არქიპელაგის კუნძულ ვარმდოს მდიდარ უბანში, სალციო-ბუში, 2015 წელს დასახლდნენ. „ძალიან უბრალო ადამიანები ჩანდნენ, საუბრობდნენ მებაღეობაზე და ყოველთვის მეგობრულად გვესალმებოდნენ“, იხსენებს მათი ერთ-ერთი მეზობელი

პოლიციის განცხადებაში ნათქვამია, რომ ერთ-ერთი დაკავებული შვედეთის წინააღმდეგ არალეგალურ სადაზვერვო საქმიანობაშია ეჭვმიტანილია და მეორე - ხელშეწყობაში.

სკვორცოვი შვედეთში საზღვაო და საჰაერო ტექნოლოგიების, საკომუნიკაციო, კომპიუტერული და პროგრამული სერვისების კომპანიებს ფლობდა.

„სკვორცოვის კომპანიებიდან ერთ-ერთს, კვიპროსში დაარსებული კომპანიის გავლით, გრუ-ს პოლკოვნიკი ფლობდა. ეს პოლკოვნიკი იმდენად არ მალავდა თავის იდენტობას, რომ თავისი სამსახურის შესახებ რუსეთში გამოცემულ წიგნში ინტერვიუ ნამდვილი სახელით აქვს მიცემული. იგივე სახელი, 1983 წელს, აშშ კონგრესის მიერ სპეცსამსახურებიდან გამოთხოვილ სიაში იძებნება, სადაც სხვადასხვა ქვეყნებიდან შპიონაჟის ეჭვით გაძევებული დიპლომატების გვარ-სახელებია.

ამავე წყვილმა 1999 წელს, რუსეთიდან წასვლამდე მოსკოვში რიხარდ ზორგეს (რუსი მზვერავის) სახელობის ქუჩაზე მიიღო ბინა. ამავე კორპუსში არიან ჩაწერილი სკრიპალების მოწამვლის საქმის ერთ-ერთი ფიგურანტი, დეზინფორმაციაზე პასუხისმგებელი გრუ-ს გენერალი და პოლიტიკურ მკვლელობების კოორდინატორი გრუ-ს მაღალჩონოსანი“, წერენ „ევროპის მოამბე“ და Russia Possts-ი.

„ნოვაია გაზეტას“ ინფორმაციით, გასული თვეში, ჩრდილოეთ ნორვეგიაში (სადაც სტრატეგიული ობიექტებია განთავსებული) რუსეთის 10 მოქალაქე დააკავეს, რომლებიც ასევე რუსეთის სასარგებლოდ შპიონაჟშია არიან ეჭვიმატინილები. გარდა ამისა, ნორვეგიელმა ჟურნალისტებმა აღნიშნეს რომ, ნორვეგიის სამხედრო ბაზებთან ახლოს, რუსულმა მართლმადიდებლურმა ეკლესიამ სხვადასხვა სახის ქონება შეიძინა.

მოამზადა მაკა ბიბილაშვილმა