შვედეთის უმსხვილესმა საპენსიო ფონდმა Alecta-მ 2 მილიარდი დოლარის საინვესტიციო ზარალი განიცადა, რაც გასული თვის აშშ-ს საბანკო კრიზისის შედეგია.
სამშაბათს, Alecta-მ განაცხადა, რომ შეამცირებს დიდ წილებს კომპანიებში, რომლებიც შორს არიან მისი მთავარი ბაზრისგან და აქციების პორტფელის მენეჯმენტის ხელმძღვანელის მოვალეობის შემსრულებლად ენ გრეველიუსი დაასახელა. აქციების ხელმძღვანელი, ლიზელოტ ლედინი, რომელიც პასუხისმგებელია Silicon Valley Bank-ის მშობელ SVB-ის ფინანსურ ჯგუფში, Signature Bank-სა და First Republic Bank-ში Alecta-ს ერთ-ერთ უმსხვილეს აქციონერად გახდომაზე, თანამდებობას დატოვებს.
”აშშ ბანკების ზარალმა სერიოზულად დააზიანა კლიენტების ნდობა Alecta-სა და მისი კაპიტალის მენეჯმენტის მიმართ. ახლა ჩვენზეა დამოკიდებული, დავამტკიცოთ, რომ კვლავ ვიმსახურებთ მომხმარებლების ნდობას”, -თქვა Alecta-ს აღმასრულებელმა დირექტორმა, მაგნუს ბილინგმა.
აღსანიშნავია, რომ Silicon Valley Bank და Signature Bank კრიზისის შედეგად ჩამოიშალა, First Republic Bank კი კვლავ იბრძვის გადარჩენისთვის. ამასთან, არცერთ სხვა საპენსიო ფონდს არ დაუდია ფსონი ამ სამ კრედიტორზე იმ ზომით, როგორც ეს Alecta-მ გააკეთა. ფონდის სპიკერმა უკვე განაცხადა, რომ არ ელის SVB-სა და Signature-ში ინვესტიციების აღდგენას და Alecta-მ უკვე გაყიდა SVB-ში განთავსებული აქტივები ზარალით.
bpn.ge