რუსული ბანკის „გაზპრომბანკის“ დახურული შვეიცარიის ფილიალის ოთხი ყოფილი ბანკირი სასამართლოშია წარდგენილი. მათ პუტინის ოფშორული ქონების დამალვისთვის ასამართლებენ.
The Guardian-ის ინფორმაციით, ოთხშაბათს ციურიხის რაიონულ სასამართლოში გაიმართა პროცესი, რომელიც ეხებოდა საიდუმლო ფინანსურ ნაკადებს, რომლებიც გამოვლენილია 2016 წლის Panama Papers-ის გაჟონვისას, სადაც მონაწილეობს მუსიკოსი და პუტინის ბავშვობის მეგობარი სერგეი როლდუგინი.
სასამართლო მიიჩნევს, რომ პუტინს მეგობარი მილიონების საზღვარგარეთ გატანაში დაეხმარა, თანხის „გადამალვა“ შვეიცარიული ბანკის დახმარებით მოხდა, ბანკის ჩინოვნიკებმა ასეთ ოპერაციებზე თვალი დახუჭეს. ციურიხის სასამართლო გაზპრომბანკის ყოფილ 3 რუსეთის და ერთ შვეიცარიის მოქალაქეს ასამართლებს.
ანგარიშების გახსნისას შეტანილი დოკუმენტებში ასახულია 11,5 მილიონი შვეიცარიული ფრანკის (12,2 მილიონი დოლარი) მომლოდინე ტრანზაქციებზე, მაგრამ საბრალდებო დასკვნაში არ არის მითითებული, რამდენი მათგანი შეიძლება წასულიყო ბანკში.
„საყოველთაოდ ცნობილია, რომ რუსეთის პრეზიდენტ პუტინს ოფიციალურად აქვს შემოსავალი 100 000 შვეიცარიული ფრანკი და არ არის მდიდარი, მაგრამ რეალურად უზარმაზარი აქტივები აქვს, რომელსაც მასთან დაახლოებული ადამიანები მართავენ“, - ნათქვამია ბრალდებაში.
დოკუმენტში ნათქვამია, რომ „გაზპრომბანკი“ ინახავდა როლდუგინის ანგარიშებს იმის მიუხედავად, რომ ის პუტინთან დაახლოებული პირი და რუსეთის პრეზიდენტის ერთ-ერთი ქალიშვილის ნათლია იყო და ბანკის თანამშრომლება ამის შესახებ ინფორმაცია მედიისგან ჰქონდათ.