შვეიცარიის ფედერალურმა პროკურატურამ Credit Suisse-ისა და UBS-ის შერწყმის ფაქტზე გამოძიება დაიწყო. ამის შესახებ Financial Times-ი წერს.

გამოცების ცნობით,  პროკურატურა სახელმწიფო მოხელეების, მარეგულირებლებისა და ორი ბანკის ხელმძღვანელების მხრიდან სისხლის სამართლის შესაძლო დარღვევას სწავლობს.

„ფედერალურ პროკურატურას სურს აქტიურად შეასრულოს თავისი მისია და აიღოს პასუხისმგებლობა, რათა ხელი შეუწყოს და შეინარჩუნოს შვეიცარიის ფინანსური ცენტრის გამჭვირვალობა“, - ნათქვამია სააგენტოს განცხადებაში.

შვეიცარიულ Credit Suisse-სა და UBS-ს აშშ-ს იუსტიციის დეპარტამენტიც ამოწმებს, რუსი ბიზნესმენებისთვის სანქციების გვერდის ავლაში შესაძლო დახმარების ფაქტებზე.

19 მარტს შვეიცარიის ფედერალურმა საბჭომ დაამტკიცა UBS-ის მიერ Credit Suisse-ის შესყიდვა და გარანტიები მისცა ქვეყნის ეროვნულ მარეგულირებელს Credit Suisse-ისთვის ლიკვიდურობის უზრუნველყოფის მიზნით. გასხვისების გარიგების თანხა 3,24 მილიარდი დოლარია.