საქართველოში მოქმედმა 13-მა კომერციულმა ბანკმა 2021 წელს მენეჯმენტზე ჯამურად 88,5 მლნ ლარი დახარჯა. 2021 წლის ანგარიშის მიხედვით, საქართველოს ბანკმა დირექტორატს 42,278,859 ლარი, სამეთვალყურეო საბჭოს 2,890,607 ლარი, ხოლო სხვა მატერიალური რისკების ამღებ პირებს 4,276,978 ლარი გადაუხადა. რაც სხვა ბანკებთან შედარებით, მენჯმენტზე დახარჯული ყველაზე მაღალი მაჩვენებელია.
საანგარიშო პერიოდში თიბისი ბანკმა დირექტორატს 25,717,987 ლარი, სამეთვალყურეო საბჭოს 1,808,960 ლარი, ხოლო სხვა მატერიალური რისკების ამღებ პირებს 764,486 ლარი გადაუხადა.
ყველაზე დიდი სახელფასო ფონდი და ყველაზე მაღალანაზრაურებადი მენეჯერები სწორედ ამ ორ ბანკშია. ყველაზე დაბალანაზღაურებადი მენეჯერები კი „სილქ როუდ ბანკს“, „ზირაათ ბანკს“ და „პროკრედიტ ბანკს“ ჰყავს, ჯამში ამ სამმა ფინანსურმა ინსტიტუტმა 2021 წელს მხოლოდ 1.8 მლნ ლარი დახარჯა.
2021 წლის მონაცემებით, კომერციულ ბანკებში დირექტორთა საბჭოს ხელფასები ასე გადანაწილდა:
1. საქართველოს ბანკი - 42 278 859 ლარი
2. თიბისი ბანკი - 25 717 987 ლარი
3. ბაზისბანკი - 5 505 604 ლარი
4. კრედო ბანკი - 4 499 100 ლარი
5. პაშა ბანკი - 2 037 996 ლარი
6. ლიბერთი ბანკი - 1 733 152 ლარი
7. ტერაბანკი - 1 285 988 ლარი
8. ხალიკ ბანკი - 1 253 510 ლარი
9. ქართუ - 1 202 102 ლარი
10. იშ ბანკი - 1 192 506 ლარი
11. პროკრედიტ ბანკი - 778 147 ლარი
12. ზირაათბანკი - 584 985 ლარი
13. სილქ როუდ ბანკი - 462 338 ლარი