გვინდა გამოვეხმაუროთ მედიაში გავრცელებულ ინფორმაციას ვირტუალურ ოპერატორებთან დაკავშირებით, სადაც  Cullen International-ის მთავარი ანალიტიკოსის და კონკურენციის ექსპერტის მიერ ნათქვამია: „მაშინ, როცა სატელეკომუნიკაციო ბაზარი მომწიფებულია, ინვესტიციები უკვე განხორციელებულია, ასევე, ბაზარი სრულად გაჯერებულია და ვერ იზრდება კონკურენცია, მარეგულირებელმა კომისიებმა სავალდებულო უნდა გახადონ MVNO-ების (მობილური ვირტუალური ოპერატორების) დაშვება“.

უნდა აღინიშნოს, რომ საქართველოს ბაზარზე ვითარება სხვაგვარია. გვინდა მოვიყვანოთ მსოფლიოში ერთ-ერთი წამყვანი ანალიტიკური კომპანიის, Analysys Mason-ის შეფასება დღეისათვის საქართველოს ბაზარზე არსებულ სიტუაციასთან დაკავშირებით. AnalysysMason-თან ერთად ჩვენითითქმის ერთი წელია, ვაწარმოებთ კვლევას საქართველოს მობილურბაზარზე არსებული სიტუაციის შესწავლაზე. შედეგად, AnalysysMason-ითავის კვლევაში აცხადებს: „დღეისათვის საქართველოში ბაზარი საკმარისად კონკურენტულიადა ვერ ვხედავთ ბაზრის არაეფექტურად  ფუნქციონირების ისეთ მტკიცებულებას, რომლის საფუძველზეც გამართლებული იქნებოდა MVNO-ების დაშვების წინასწარი რეგულირების დაწესება“;

მისივე კვლევებში ნათქვამია: „საქართველოს ბაზარზე ოპერირებს სამი სრულფასოვანი ქსელური მობილური ოპერატორი, რომლებიც  კონკურენტულ და მრავალფეროვან მომსახურებებს სთავაზობენ აბონენტებს უახლესი სტანდარტების გამოყენებით (მათ შორის  4G,4.5G, 4.9G)“.

ჩვენ, ისევე, როგორც ჩვენი კონკურენტები, ყოველწლიურად ვახორციელებთ ათობით მილიონი დოლარის ინვესტირებას, რაც მუდმივად განგრძნობითი პროცესია და სამომავლოდაც ვგეგმავთ არანაკლები ინვესტიციების გაწევას უახლესი ტექნოლოგიების დასანერგად, რათა მომხმარებელს კვლავაც შევთავაზოთ მაღალი დონის მომსახურება, მათ შორის 5G  ტექნოლოგიის გამოყენებით.

ყოველივე ზემოთ თქმულიდან გამომდინარე, მიგვაჩნია, რომ მობილური საცალო ბაზარი ეფექტურად კონკურენტულია.

გვინდა, აქვე აღვნიშნოთ, რომ ჩვენ არაერთი თვეა, ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით ვმუშაობთმარეგულირებელ კომისიასთან. ამ პროცესში ჩვენი პარტნიორიაAnalysys Mason-ი. კვლევა დასრულებულია და დღეს გადავეცით მარეგულირებელ კომისიას. ჩვენ დაველოდებით, სანამ კომისია განიხილავს საკითხს და ჩვენს შეჯერებულ პოზიციას გავასაჯაროვებთ უახლოეს მომავალში.

(R)