ამერიკულმა ფინანსურმა კომპანიამ Silvergate Capital Corp-მა პრეზიდენტი ბენ რეინოლდსი თანამდებობიდან, მისი შვილობილი კომპანია Silvergate Bank-ის ლიკვიდაციის გადაწყვეტილებასთან დაკავშირებით გაათავისუფლა. ნათქვამია ფასიანი ქაღალდებისა და ბირჟის კომისიის (SEC) ვებსაიტზე. ამის შესახებ ინფორმაციას Marketwatch-ი ავრცელებს.
კომპანიამ რეინოლდსს უფლებამოსილება 20 მარტს შეუწყვიტა. ის პრეზიდენტის პოსტს 2022 წლის ნოემბრიდან იკავებდა. რეინოლდსი თანამდებობიდან გათავისუფლებისთანავე გათვალისწინებულ კომპენსაციას მიიღებს, თუმცა შრომითი ხელშეკრულებით შემდგომი გადახდა მოსალოდნელი არ არის.
გარდა ამისა, 15 მარტს მერი-მარგარეტ ჰენკემ Silvergate Capital-ისა და Silvergate Bank-ის დირექტორთა საბჭოები ნებაყოფლობით დატოვა.
როგორც MarketWatch-ი წერს, იანვარში კომპანიამ პერსონალის 40% შეამცირა.
Silvergate Capital-მა Silvergate Bank-ის ლიკვიდაციის შესახებ გადაწყვეტილება 8 მარტს გამოაცხადა. ბანკი კრიპტოვალუტებზე მუშაობდა. წლის დასაწყისიდან კომპანიის აქციები 10-ჯერ გაძვირდა, სამშაბათს კი მათი ფასი 2,4%-ით დაეცა. Standard & Poor's 500 ინდექსის ფიუჩერსები წელს 2,6%-ით გაიზარდა.