კორონავირუსის ეპიდემიის გავრცელების შეკავების მიზნით, სლოვენიაში ერთი თვით საგანგებო მდგომარეობა გამოცხადდა.

სლოვენიის მთავრობის ოფიციალური წარმომადგენლის განცხადებით, საგანგებო მდგომარეობის რეჟიმის მოქმედების განმავლობაში ქვეყნის რეგიონებს შორის გადაადგილება შეიზღუდება. შეზღუდვები ასევე შეეხება სოციალურ შეკრებებს.

გარდა ამისა, 21:00 საათიდან 06:00 საათამდე ქვეყნის მასშტაბით კომენდანტის საათი იმოქმედებს.

სლოვენიის მთავრობის ოფიციალურმა წარმომადგენელმა აღნიშნა, რომ დროებით შეჩერდება მასშტაბური ღონისძიებებისა და შეკრებების ჩატარება, როგორიცაა ქორწილები და რელიგიური ცერემონიები.

პანდემიის დაწყებიდან დღემდე სლოვენიაში კორონავირუსის 13 679 შემთხვევა გამოვლინდა, 190 ადამიანი გარდაიცვალა, ხოლო 6 385 - გამოჯანრთელდა.

imedinews.ge