SMART business Georgia მომხმარებელს სთავაზობს Microsoft Dynamics 365 Business Central-ის ბაზაზე ბიზნეს საქმიანობის წარმართვას ადგილობრივი კანონმდებლობის მოთხოვნების შესაბამისად, რაც ითვალისწინებს საკანონმდებლო ბაზის თავისებურებებსა და ცვლილებებს.
სისტემის ინტერფეისი მეტი კომფორტისთვის ხელმისაწვდომია ქართულ ენაზე.
პროდუქტი შედგება სპეციფიკური დანიშნულების მქონე მოდულებისგან, როგორებიცაა ფინანსური, გაყიდვებისა და მარკეტინგის, შესყიდვებისა და დაგეგმვის, მარაგებისა და საწყობის, ძირითადი საშუალებების, ბანკისა და სალაროს, საბუღალტრო ანგარიშგების, რეგლამენტირებული და მენეჯმენტის რეპორტინგის, ხელფასისა და პერსონალის აღრიცხვის მოდულები.
SMART business Georgia-ს კლიენტები შეძლებენ პირდაპირ ინტეგრაციას შემოსავლების სამსახურის პორტალთან, სისტემაში ფორმირებული დოკუმენტების ექსპორტი კი მარტივად, ღილაკზე დაწკაპუნებით იქნება შესაძლებელი.
ერთ-ერთი მნიშვნელოვანი ფუნქციონალი მოიცავს ბანკებთან ინტეგრაციას. ლოკალიზაციის პროექტის ფარგლებში SMART business Georgia-მ უზრუნველყო საქართველოს ბანკის API სერვისების ინტეგრაცია, რომელიც მომხმარებლებს ERP სისტემიდან საბანკო ოპერაციებისა და რეკონსილაციის საშუალებას აძლევს. გარდა ამისა, ხელმისაწვდომია ინტეგრაცია ეროვნულ ბანკთან, კურსების იმპორტის მიზნით, და სრული ინტეგრაცია თიბისის და საქართველოს ბანკებთან.
ლოკალიზაციის ფუნქციების სრული პაკეტი უკვე ხელმისაწვდომია და მისი გამოყენება SMART business-ის ყველა კლიენტს შეუძლია.
(R)