„სმარტის“ იტალიური ყავის მომწოდებელი „ტრუჩილო“ ამერიკის ბაზარზე შევიდა და ნიუ იორკის ცნობილ კაფეებს, რესტორნებს თუ სასტუმრებს Ammirati Coffee-სთან მიღწეული შეთანხმების ფარგლებში იტალიური ყავით მოამარაგებს. Ammirati Coffee ამერიაში ყავის ერთ-ერთი ყველაზე მსხვილი იმპორტიორია და 60 წელზე მეტია ყავის ყველაზე სანდო ექსპერტად ითვლება ამერიკაში.

„ვისოლ ჯგუფი“ საქართველოში იტალიური „ტრუჩილოს“ ექსკლუზიური წარმომადგენელი „სმარტის“ პირველი ობიექტის გახსნისთანავე, 2010 წელს გახდა. ბოლო პერიოდში კი „ტრუჩილოს“ ყავების არჩევანი მნიშვნელოვნად გაზარდა. დღესდღეობით „სმარტის“ მომხმარებელს არა მხოლოდ „ტრუჩილოს“ აპარატის „ამერიკანოს“, „კაპუჩინოს“, „ლატეს“ და „ესპრესოს“ დაგემოვნება შეუძლია „ვისოლის“ ავტოგასამართ სადგურებზე განთავსებულ სუპერმარკეტებში, არამედ ლეგენდარული იტალიური ბრენდის მარცვლის ყავას, დაფქულ ყავას და ყავის კაფსულებს შეიძენს დღისა თუ საღამოს ენერგიულად გატარებისთვის. დამატებით, ერთგული მომხმარებლი „ტრუჩილოს“ მარცვლის ყავას და დაფქულ ყავას 25 % ფასდალებით მიიღებს „სმარტის“ ყველა სუპერმარკეტში მთელი საქართველოს მასშტაბით.

„ტრუჩილოს“ ისტორია 1950 წელს იწყება და დღესდღეობით საოჯახო ბიზნესის მესამე თაობამ მიაღწია იმას, რომ კომპანია იტალიაში ყავის წარმოების ბაზრის მნიშვნელოვანი წილის მფლობელია. მაღალი ხარისხის არაბიკას და რობუსტას ყავის მარცვლებს კომპანია ცენტრალური და სამხრეთ ამერიკის, აზიისა და აფრიკის წამყვანი მწარმოებლებისგან არჩევს. კომპანიის მისია მაღალი ხარისხის იტალიური ესპრესოს ყავის კულტურის გაზიარებაა მსოფლიოში და ყავის წარმოების უახლესი ტექნოლოგიებით, ყავის ხარისხის კონტროლის თანამედროვე სტანდარტებით, „ტრუჩილო“ აკადემიით, რომელიც ბარისტათა პროფესიონალ განვითარებაზე ზრუნავს და განვითარების ამბიციური გეგმებით, კომპანიამ უკვე დიდ პოპულარობას მიაღწია მსოფლიოს ბევრ ქვეყანაში.

„სმარტი“ გამორჩეულია ბაზარზე უმაღლესი ხარისხის პროდუქტის ფართო არჩევანითა და მომსახურების ევროპული სტანდარტებით. „სმარტის“საშუალო ფორმატის სუპერმარკეტები„ვისოლის“ ავტო და გაზ-გასამართ სადგურებზე და ავტობანებზე „ვისოლ ჯგუფის“ კომპლექსებზეა განთავსებული. „სმარტის“ ყველა სუპერმარკეტში მომხმარებელს კომპფორტული კაფე ელის, სადაც „სმარტის“ წარმოებულ უგემრიელეს საკონდიტრო ნაწარმსა თუ ფუნთუშეულს იტალიურ ყავა „ტრუჩილოსთან“ ერთად სულ სხვა გემო აქვს.

(R)