რუსული საკრუიზო გემი Astoria Grande, რომელშიც 400-მდე რუსი ტურისტი იმყოფებოდა, ძლიერი შტორმის გამო თურქეთის პორტ ამასრაში დაზიანდა. ამის შესახებ Anadolu Agency იტყობინება.
ბორტზე 385 რუსი ტურისტი და ეკიპაჟის 283 წევრი იმყოფებოდა. შემთხვევას მსხვერპლი არ მოჰყოლია.
როგორც პორტალი აღნიშნავს, გემი ნავსადგურში შესვლას ცდილობდა, მაგრამ ქარის გამო ლაინერი ნავსადგურის კედელს შეეჯახა, რამაც საკრუიზო გემი დააზიანა. მყვინთავები ლაინერის მდგომარეობას ამოწმებენ.
Astoria Grande ერთადერთი ლაინერია რუსეთში, რომელიც საზღვაო კრუიზებს სოჭიდან შავი ზღვის გასწვრივ ახორციელებს. ის 1,3 ათას ადამიანზეა გათვლილი. 2022 წელს ლაინერმა თურქეთში 16 კრუიზი შეასრულა. 2023 წელს ეგვიპტეშიც იგეგმება კრუიზები.