სომხეთის პრემიერ–მინისტრის მოვალეობის შემსრულებლის ნიკოლ ფაშინიანის პარტიამ „სამოქალაქო შეთანხმება“ კვირას გამართულ ვადამდელ საპარლამენტო  არჩევნებზე ხმათა 53,92% მოიპოვა. ამის შესახებ ინფორმაცია ქვეყნის ცესკომ ბიულეტერენბის 100%–ით დათვლის შემდეგ გაავრცელა. პარტიას 0,08% არ ეყო მთავრობის ერთპიროვნულად ფორმირებისთვის. ექს–პრეზიდენდ რობერთ ქოჩარიანის ბლოკმა „სომხეთი“ ხმების 21% მიიღო.

ბლოკმა „სომხეთი“ უკვე განაცხადა, რომ არ აღიარებს არევნების შედეგებს. „ეს შედეგები საზოგადობრივ ცხოვრებაში მიმდინერე პროცესებს ეწინააღმდეგება. წინასაარჩევნო პერიოდში იყო ოპოზიციის მრავალათასიანი მიტინგები, მთავრობის მცირე აქტივობები. ქვეყანაში შექმნილი ნდობის კრიზისი სულ სხვა განწყობებზე მეტყველებს“, – ნათქვამია ბლოკის „სომხეთი“ განცხადებაში.

მესამე ადგილზეა ბლოკი „მაქვს პატივი“, რომელიც სომხეთის ყოფილმა პრეზიდენტმა სერჟ სარგსიანმა ჩამოაყალიბა. მას ხმების 5%–ზე მეტი ერგო. მიუხედავად იმისა, რომ 7%–იანი ზღვარი ვერ გადალახა, ბლოკს მაინც ერგება სადეპუტატო მანდატები, ვინაიდან სომხეთის პარლამენტში სულ მცირე 3 პოლიტიკური ძალა უნდა შევიდეს.

არჩევნებზე ამომრჩევლის აქტივობამ დაახლოებით 50% შეადგინა.

ფაშინიანს მოწინააღმდეგეები აზერბაიჯანთან ომის წაგებაში ადანაშაულებენ. გასული წლის ნოემბერში მიღწეული ზავის შემდეგ სომხეთში მასობრივი საპროტესტო აქციების ტალღა დაიძრა. ფაშინიანის მომხრეების აზრით, ომის წაგებაზე პასუხისმგებელი წინა ლიდერებიც არიან, მათ შორის ქოჩარიანი და სარგსიანი.