სომხეთის პრემიერ-მინისტრმა ნიკოლ ფაშინიანმა დაადასტურა ინფორმაცია იმის შესახებ, რომ სომხეთმა რუს პროპაგანდისტებს - RT-ს მთავარ რედაქტორს მარგარიტა სიმონიანსა და Life-ის დამფუძნებელ არამ გაბრელიანოვს ქვეყანაში შესვლა აუკრძალა. Европейская правда-ს ცნობით, ამის შესახებ ფაშინიანმა Sputnik Армения-სთან საუბრისას განაცხადა.

„სომხეთი სუვერენული სახელმწიფოა და უფლება აქვს პატივისცემას იმსახურებდეს. სომხეთს ასევე აქვს უფლება გამოიყენოს თავისი სუვერენული მექანიზმები, როცა მის ინტერესებს ეწინააღმდეგებიან“, - განაცხადა ფაშინიანმა.

სომხეთის პრემიერ-მინისტრმა ასევე აღნიშნა, რომ ასეთმა ადამიანებმა პატივი უნდა სცენ სომხეთს და მისი ხალხის მიერ არჩეულ მთავრობას.

მარგარიტა სიმონიანმა ქვეყანაში შესვლის აკრძალვაზე კომენტარი მაშინვე გააკეთა, ფაშინიანს მახინჯი უწოდა და განაცხადა, რომ ის, „წმინდა სისხლის სომეხია და სანამ ფაშინიანი ქვეყნის პრემიერია, სომხეთში ჩასვლას არ აპირებს.

„არასდროს არაფერი მითქვამს არც ერთ დერეფანზე, მაგრამ ახლა ვისაუბრებ პირადად ფაშინიანზე - ის არის სომეხი ხალხის მოღალატე, მან გაყიდა სომხეთი და უღალატა ყველა სომხურ ინტერესს, რომელთა ღალატი და გაყიდვაც შეეძლო. სძულს რუსეთი და ატყუებს პუტინს, ის არის ЦРУ-ს ჩვარი, რომელსაც სინდისი არ გააჩნია,“ - წერს სიმონიანი თავის Telegram-არხზე.