იმუნიზაციის საბჭოს გადაწყვეტილებით, მშობლის თანხმობის შემთხვევაში, ფაიზერით აცრა 12-15 წლის ყველა მოზარდისთვის დასაშვები გახდა. აქამდე გამონაკლისს რისკ-ჯგუფში მყოფი ბავშვები წარმოადგენდნენ. გადაწყვეტილების შესახებ, სპეციალურ ბრიფინგზე ჯანდაცვის მინისტრის მოადგილემ თამარ გაბუნიამ განაცხადა.
საქართველოში ვაქცინაციის პროცესი 15 მარტიდან დაიწყო. საწყის ეტაპზე აცრა მხოლოდ სამედიცინო პერსონალისა და 75 წელს გადაცილებული პირებისთვის იყო ხელმისაწვდომი. მალევე ასაკობრივმა ცენზმა ჯერ 65 წლამდე, შემდეგ 55 წლამდე, მაისიდან კი 18 წლამდე დაიწია. ივლისიდან ფაიზერის შემოსვლის ვაქცინა 16-17 წლის მოზარდებისთვისაც დაუშვეს. 12-15 ბავშვები კი მხოლოდ ქრონიკული დაავადების ქონის შემთხვევაში იცრებოდნენ. გამონაკლისის სახით რამდენჯერმე უფრო მცირე ასაკის ბასიც აცრეს.
მსოფლიოში ბევრმა ქვეყანა ვაქცინაზე ასაკობრივი ზღვარი 5 წლამდე დასწია, არაბთა გაერთიანებულ საამიროებსა და ჩინეთში კი აცრისთვის მინიმალურ ასაკს 3 წელი შეადგენს.
9 ნოემბრის მდგომარეობით საქართველოში მინიმუმ 1 დოზით 1.052 მლნ ადამიანია აცრილი - მოსახლეობის 28.4%, ხოლო ორივე დოზით 955 ათასი ადამიანი, მოსახლეობის 25.8%, რაც ძალიან დაბალი მაჩვენებელია და პანდემიის დასამარცხებლად არ კმარა.
1-ლი დეკემბრიდან კოვიდპასპორტები ამოქმედდება. რესტორნებში, თეატრსა და მუზეუმებში ადამიანი ვერ შევა თუ არ აქვს ჩატარებული აცრა, არ აქვს გადატანილი კოვიდი ან არ აქვს გაკეთებული PCR ტესტი, რომლის ვადაც 72 საათია. სავაჭრო ცენტრებში, ტრანსპორტსა და ბანკებში კოვიდპასპორტი საჭირო არ იქნება.