ექსკლუზიურად „კომერსანტმა“ გაარკვია, რომ სასწრაფო სამედიცინო დახმარების ექიმებს პაციენტები მხოლოდ რამდენიმე, ბაზრის მონოპოლურ კლინიკაში გადაჰყავთ. სანდო წყარო 112- დან გვიყვება, რომ პაციენტი სპეციალიზებულ კლინიკებში არ უნდა გადაიყვანონ, რადგან მათ აქვთ იმ დაწესებულებების სია, სადაც გადაუდებელი პაციენტების ჰოსპიტალიზაცია უნდა მოხდეს.

ჯანდაცვის სამინისტროს არაოფიციალური ბრძანების შესახებ დაგვიდასტურეს ჰოსპიტალურ სექტორშიც, კლინიკების უმეტესობაში განგვიცხადეს, რომ ჯანდაცვის სამინისტროს არაოფიციალური დავალებით პატარა, მონოპროფილური კლინიკების ჩაძირვაა გადაწყვეტილი.

პრობლემის შესახებ საუბრობენ როგორც კანონმდებლები, ასევე ასევე ჯანდაცვის სფეროს ექსპერტები. სტრატეგია აღმაშენებლის ერთ-ერთი ლიდერი სერგო ჩიხლაძე აცხადებს, რომ დღეს კლინიკებს შორის არაჯანსაღი კონკურენციაა. მისი განცხადებით სქემა, რომლითაც 112 კლინიკებთან მუშაობას ჩვეულებრივი კარტელური გარიგებაა, რომელიც სისხლის სამართლის კოდექსით უნდა ისჯებოდეს. ექსპერტი ამბობს, რომ საკითხის შესახებ შესაბამისმა უწყებებმა იციან. თუმცა, პრობლემის მოსაგვარებლად ქმედით ნაბიჯს არ დგამენ.

„გარკვეული კლინიკები სასწრაფო სამედიცინო დახმარების ცენტრთან  მოლაპარაკებულები არიან, რომ პაციენტების ჰოსპიტალიზაცია მათთან მოხდეს. აუდიტის დასკვნაც არსებობს, იმის შესახებ, რომ 112- ს ადამიანები მიზანმიმართულად საცხოვრებელი ტერიტორიიდან მოშორებულ საავადმყოფოში გადაჰყავს, მაშინ როდესაც გზაზე არსებობს კლინიკა სადაც შეიძლება პაციენტის ჰოსპიტალიზაცია. სქემა ჰოსპიტალური სექტორისთვის დამაზიანებელია, რადგან გარკვეული კლინიკები, რომლებიც გარიგებაის მიხედვით  უპირატესს მდგომარეობაში ხვდებიან. ხელოვნური არათანასწორი პირობებით კი სხვა კლინიკები ზარალდებიან, რაც დაუშვებელია. ეს არის კორუფციული სქემა, დანაშაული, ჩვეულებრივი გარიგება, ე.წ. "ატკატი" მიდის კონკრეტულ ადამიანებთან. ხაზი მინდა გავუსვა იმას, რომ ეს ყველა სასწრაფოს ექიმს არ ეხება“,- აცხადებს სერგო ჩიხლაძე.

როგორც სერგო ჩიხლაძე განმარტავს ჯანდაცვის სამინისტროს და გარკვეული კლინიკების კორუფციული სქემით, კლინიკებთან ერთად მნიშვნელოვანი ზიანი პაციენტების ინტერესებსაც ადგება.

„ხშირად ავლაბარში ან ისანში გამოძახებულ სასწრაფოს პაციენტი არამიანცის ტერიტორიაზე არსებულ კლინიკაში კი არ გადაჰყავს, არამედ ქალაქის ბოლოში, დიღომში რომელიც გაცილებით დიდი მანძილითაა დაშორებული. გადაუდებელი სიტუაციის შემთხვევაში კი დროს გადამწყვეტი მნიშვნელობა აქვს. არის შემთხვევები, როდესაც სასწრაფო გარიგებულია კონკრეტულ კლინიკასთან. შეიძლება მან პაციენტი არა პროფილურ კლინიკაში წაიყვანოს. ყოფილა შემთხვევა, რომ გულის პრობლემით პაციენტი ისეთ საავადმყოფოში გადუყვანიათ, რომელსაც კარდიოლოგიური პროფილი საერთოდ არ ქონდა. ეს ყევლაფერი ადამიანის სიცოცხლეზე და გაწეული მომსახურების ხარისხზე აისახება“, -  განაცხადა სერგო ჩიხლაძემ.

ჯანდაცვის ექსპერტი აცხადებს, რომ უნდა მოხდეს მსგავსი შემთხვევბის გამოვლენა, რომლის დროსაც კონკრეტული ადამიანები დაისჯებიან და რის შემდეგაც მსგავისი კორუფციული გარიგებები შეწყდება.

„უნდა გამოიძიონ ეს თანხა როგორ ნაწილდება და ვისთან მიდის. სახელმწიფოს უნდა ჰქონდეს პოლიტკური ნება მიჰყვეს საქმეს ბოლომდე, საგამოძიებო სტრუქტურებმა შესაბამისი საქმე უნდა გამოიძიონ. მაგრამ რატომ არ ხდება ეს? იმიტომ, რომ სავარაუდოდ, კორუფციულ სქემაში მაღალჩნოსნები არიან ჩართულები“, - განმატავს სერგო ჩიხლაძე.

ბაჩო ადამია