თურქეთში მიმდინარე წლის 11 თვის განმავლობაში უძრავი ქონების ყიდვა-გაყიდვის 2 997 668 ტრანზაქცია განხორციელდა, ხოლო გადასახადების მოცულობამ 35 მილიარდ 144 მილიონ 100 ათას 467 თურქული ლირა შეადგინა. ამის შესახებ ინფორმაციას სააგენტო Anadolu ხუთშაბათს თურქეთის გარემოს დაცვის, ურბანული განვითარებისა და კლიმატის ცვლილების სამინისტროს მიწის რეესტრისა და კადასტრის გენერალურ დირექტორატზე დაყრდნობით ავრცელებს.
უშუალოდ 2022 წლის ნოემბერში უძრავი ქონების ყიდვა-გაყიდვის 292 493 ტრანზაქცია დაიდო, რაც ოქტომბრის მაჩვენებელზე 6%-ით მეტია. ნოემბერში გადასახადების აკრეფის მოცულობამ 3 მილიარდ 769 მილიონ 785 ათას 903 ლირა შეადგინა.
ამასთან, 1 254 545 ყიდვა-გაყიდვის ტრანზაქცია განხორციელდა საცხოვრებელ საკუთრებაზე, 518 089 - მიწის ნაკვეთებზე, 862 438 - ნათესებზე, 135 782 - ოფისებზე და დანარჩენი სხვა უძრავ ქონებაზე.
ყველაზე მეტი ყიდვა-გაყიდვის ტრანზაქცია სტამბoლში განხორციელდა, სულ 361 492 ტრანზაქცია.