Ford Mustang-ი, რომელსაც 1968 წელს გადაღებულ ფილმ „ბულიტში“ ლეგენდარული მსახიობი და ავტომრბოლელი სტივ მაკქუინი მართავდა, აუქციონზე 3,4 მილიონ დოლარად გაიყიდა. Bloomberg-ის ცნობით, აუქციონი ფლორიდის ქალაქ კისიმიში გაიმართა.
1968 წელს გამოშვებული ავტომობილის სასტარტო ფასი 3500 დოლარი იყო. აუქციონის ორგანიზატორების განცხადებით, ფილმის გადაღების შემდეგ კომპანია Warner Bros.-მა ავტომობილი ერთ-ერთი თანამშრომელს გადასცა. 1970 წელს ის დეტექტივმა ფრენკ მარანკამ 3500 დოლარად შეიძინა და 4 წელიწადში ამავე ფასად რობერტ კირნანს მიჰყიდა.
2014 წელს რობერტ კირნანისგარდაცვალების შემდეგ ავტომობილი მისი შვილის, შონ კირნანის მფლობელობაში გადავიდა, რომელმაც ის ახლა აუქციონზე გაიტანა.
Imedinews