თალიბანი რუსეთთან ხორბლის, გაზისა და ნავთობის გარიგების უზრუნველყოფის ზღვარზეა - ამის შესახებ ინფორმაციას გამოცემა businessinsider, reuters - ზე დაყრდნობით ავრცელებს. როგორც ავღანეთის ხელისუფლების წარმომადგენელმა როიტერს განუცხადა, თალიბანის ოფიციალური პირები ავღანეთისთვის ბენზინისა და ბენზოლის შესყიდვის შესახებ კონტრაქტის ხელმოწერის ზღვარზე არიან.
ავღანეთის ოფიციალურმა პირებმა განაცხადეს, რომ თალიბანის დელეგაცია მოსკოვში კონტრაქტის პირობების შესახებ მოლაპარაკებების ბოლო ეტაპებზე იმყოფება. ავღანეთის ვაჭრობის მინისტრის მოვალეობის შემსრულებელმა ნურუდინ აზიზიმ აღნიშნა, რომ ადგილობრივი დელეგაცია ასევე განიხილავს იმ საკითხსაც თუ როგორ შეძლებს ავღანეთი თავისი თანხების რუსეთისთვის გადარიცხვას, მაშინ როდესაც რუსეთი უკრაინაში შეჭრის გამო მსოფლიო ბანკების უმეტესობის მიერ სანქციების ქვეშაა.
ადგილობრივი გამოცემის ცნობით აზიზიმ თქვა, რომ თანხების გადარიცხვა მესამე ქვეყნის მეშვეობით მოხდება, თუმცა მას ეს ქვეყანა არ დაუსახელებია.
ავღანეთს თავისი საკვების და ნავთობის უმეტესი წილი რუსეთიდან შემოაქვს, რომელიც ორ ქვეყანას შორის ვაჭრობის შეფასებით 200 მილიონ დოლარს შეადგენს.
მოლაპარაკებები მას შემდეგ მიმდინარეობს, რაც მოსკოვი ენერგეტიკული ბაზრისთვის დაწესებული სანქციების პირობებში ალტერნატიულ ბაზრებს ეძებს.
აშშ-მ სხვა ქვეყნებს რუსულ ენერგიაზე დამოკიდებულების შემცირებისკენ მოუწოდა, ბაიდენის თქმით აღნიშნული ნაბიჯი პუტინს უკრაინაში ომის გაგრძელებისთვის საჭირო თანხებს შეუზღუდავს, ევროკავშირმაც ანალოგიურად მოუწოდა თავის წერებს, რომ უარი ეთქვათ, რუსული ნავთობზე. ქვანახშირზე და გაზზე, ურსულა ფონ დერ ლაინერმა აღნიშნა რომ “ არ შეიძლება დაეყრდნო მწარმოებელს, რომელიც აშკარად გვემუქრება“
ავღანეთი არის ერთადერთი ქვეყანა, რომელმაც რუსეთიდან ენერგორესურსების იმპორტი გაზარდა.