10 წლის წინ ამერიკელებმა ავღანეთის ბუნებრივი რესურსების პოტენციალი დეტალურად შეისწავლეს და ის 1 ტრლნ. დოლარად შეაფასეს.
ციფრები ზუსტი არ არის, რადგანაც საბადოების მარაგების თაობაზე ინფორმაცია ზედაპირული და არასრულყოფილია, მომავალში ეს თანხა 3 ტრლნ.-მდე გაიზარდება. თუმცა, ყველა შემთხვევაში საუბარია უზარმაზარ სიმდიდრეზე, რომელიც მთელი მსოფლიოს პოლიტიკოსებს მოსვენებას არ აძლევს.
ავღანეთი ისეთი რესურსებითაა მდიდარი, როგორიცაა ოქრო, ნავთობი, სპილენზი, რკინა, მარმარილო, ალმასები, ლიტიუმი, კობალტი, და ა.შ. სხვათა შორის ლიტიუმი ძალიან მნიშვნელოვანი ლითონია იმის გამო, რომ სწორედ ისა არის ყველა მნიშვნელოვანი მწვანე ტექნოლოგიებისთვის, ლიტიუმი ელექტროძრავების აკუმლატორების, მზის ბატარეების და ქარის ტურბინების წარმოებაში გამოიყენება.
აშშ-ს თავდაცვის სამინისტრომ ავღანეთს „ლიტიუმის საუდის არაბეთი“ დაარქვა, ლითონის მარაგები უტოლდება ბოლივიას, რომელიც სადღეისოდ მსოფლიოში ლიტიუმის უმსხვილეს მწარმოებელ ქვეყანად ითვლება.
„თალიბანს“ ავღანეთის 1 ტრლნ. დოლარის ბუნებრივი რესურსები შერჩა
10 წლის წინ ამერიკელებმა ავღანეთის ბუნებრივი რესურსების პოტენციალი დეტალურად შეისწავლეს და ის 1 ტრილიონ. დოლარად შეაფასეს.
ციფრები ზუსტი არ არის, რადგანაც საბადოების მარაგების თაობაზე ინფორმაცია ზედაპირული და არასრულყოფილია, მომავალში ეს თანხა 3 ტრილიონ.-მდე გაიზრდება. თუმცა, ყველა შემთხვევაში საუბარია უზარმაზარ სიმდიდრეზე, რომელიც მთელი მსოფლიოს პოლიტიკოსებს მოსვენებას არ აძლევს.
ავღანეთი ისეთი რესურსებითაა მდიდარი, როგორიცაა ოქრო, ნავთობი, სპილენძი, რკინა, მარმარილო, ალმასები, ლითიუმი, კობალტი, და ა.შ. სხვათა შორის ლითიუმი ძალიან მნიშვნელოვანი ლითონია იმის გამო, რომ სწორედ ისა არის ყველა მნიშვნელოვანი მწვანე ტექნოლოგიებისთვის, ლითიუმი ელექტროძრავების აკუმულატორების, მზის ბატარეების და ქარის ტურბინების წარმოებაში გამოიყენება.
აშშ-ს თავდაცვის სამინისტრომ ავღანეთს „ლითიუმის საუდის არაბეთი“ დაარქვა, ლითონის მარაგები უტოლდება ბოლივიას, რომელიც სადღეისოდ მსოფლიოში ლითიუმის უმსხვილეს მწარმოებელ ქვეყნად ითვლება.
შეიარაღებული კონფლიქტები, არასტაბილური პოლიტიკა, ინფრასტრუქტურის და ზღვაზე გასასვლელის არარსებობა, მასშტაბური კორუფცია და სუსტი სახელმწიფო ინსტიტუტები ავღანეთში ნედლეულის მოპოვების დაწყებას აფერხებს. ამ უბედურებაში დიდწილად თავად „თალიბანიცაა“ დამნაშავე, რომლის წლების მანძილზე ქვეყანაში კონფლიქტებს აღვივებდა.
თალიბები ნაწილობრივ იყენებდნენ ბუნებრივ რესურსებს, კერძოდ, ისინი მარმარილოს და ლაზურიტის უკანონო გაყიდვით სერიოზულ შემოსავლებს იღებდნენ .
თალიბების მთავრობისთვის ყველაზე ლოგიკური იქნებოდა ბუნებრივი რესურსების მოპოვების განვითარება, თუმცა ამისთვის მათ სამოქალაქო ომის შეჩერება და საერთაშორისო აღიარების მიღება დასჭირდებათ.
ახალი ხელისუფლება ნიადაგს რუსეთში და ჩინეთში სინჯავს. ორივე ქვეყანამ ქაბულში დიპლომატიური წარმომადგენლობა შეინარჩუნა და თალიბებთან კონტაქტების დამყარებას ცდილობს.
ავღანური ნედლეულის მყიდველი და ინვესტორი პირველ რიგში შესაძლოა ჩინეთი გახდეს. სავარაუდოდ, პეკინი „თალიბებთან“ უფრო მოურიდებლად ითანამშრომლებს, ვიდრე ამერიკა ან ევროპა, მას ხომ არც ადამიანის უფლებები აწუხებს და არც ქალების დისკრიმინაცია.
ამ დროისთვის თალიბები აშკარად ავლენენ ინტერესს ქვეყნის ბუნებრივი რესურსების დამუშავებისადმი, თუმცა ამ პროცესს სავარაუდოდ, ინვესტორების არარსებობა და ტექნოლოგიური ჩამორჩენა შეაფერხებს.
ბევრი უცხოელი ინვესტორი ბედნიერი იქნებოდა ამ უზარმაზარი სიმდიდრეების თუნდაც ნაწილთან წვდომის მიღებით, მაგრამ წვეროსანი ისლამისტების ბატონობა ავღანეთში მათ ქვეყანაში ფულის ჩადების სურვილს ხელს ნამდვილად არ უწყობს.
თუ თალიბები მეტ-ნაკლები სტაბილურობის შენარჩუნებას მოახერხებენ და მსოფლიოს საფრთხობელების როლს დაემშვიდობებიან, პირველ რიგში მათი ინტერესის სფეროში ძვირფასი ქვების, მარმარილოს, სამშენებლო მასალების და ოქროს მოპოვება იქნება. ამ დარგებში მუშაობის დაწყებას გაცილებით ნაკლები ტექნოლოგიები და ინვესტიციები სჭირდება, ვიდრე იგივე ლითიუმის მოპოვებას, რომელიც, სავარაუდოდ უფრო შორეული პერსპექტივის საკითხია.
მოამზადა თენგიზ აბლოთიამ
წყარო: inopressa.ru
თალიბანი
