ა(ა)იპ ბუღალტერთა კავშირს და GIFA-ს საქართველოს ფინანსისტთა ბუღალტერთა ინსტიტუტის დამფუძნებელი ტატა ბერიძე საქართველოში პირველი ქართველია, რომელმაც ლუკა პაჩიოლის საერთაშორისო ჯილდო მიიღო. ჯილდო, რომელიც ფინანსისტის პროფესიონალიზმის აღიარებაში უმაღლეს სტანდარტს წარმოადგენს.
ლუკა პაჩიოლის უმაღლესი ჯილდო ასევე ნიშნავს საქართველოს ცნობადობის ამაღლებას და მის წარმოჩენას მსოფლიოს ფინანსისტების პროფესიულ წრეებში.
ამ ყველაფერთან ერთად, არსებითად მნიშვნელოვანია ის, რომ საქართველოში დაინერგება საერთაშორისო პროფესიული სწავლება და მსურველებს მისცემს შესაძლებლობას, დაეფლონ ფინანსური მენეჯერის პროფესიას საერთაშორისო სწავლების სტანდარტებით. რაც ერთმნიშვნელოვნად გაუადვილებს ამ სექტორის წარმომადგენლებს დასაქმებას, როგორც ადგილობრივ ბაზარზე, ისე გასვლას ევროპის და დიდი ბრიტანეთის სამუშაო ბაზრებზე.
ვინ არის ტატა ბერიძე?
ტატა ბერიძემ 2018 წელს დააფუძნა და დღემდე ხელმძღვანელობს ა(ა)იპ ბუღალტერთა კავშირს და GIFA-ს საქართველოს ფინანსისტთა ბუღალტერთა ინსტიტუტს. 2021 წლიდან არის ICFM (Institute of Certified Financial Managers) & ICB ( Institute of Certified Bookkeepers) UK წარმომადგენელი საქართველოში. მის სახელს ასევე უკავშირდება FIN-HR - დღეის მდგომარეობით ყველაზე მსხვილი დასაქმების ხელშეწყობის ცენტრი, რომელიც კომპანიებისათვის ფინანსურ სფეროში მომუშავე კადრების მიწოდების სერვის ახორციელებს.
GIFA-Students - არის პრაქტიკული გამოცდილების მიღების ლაბი სტუდენტებისთვის. ტატა ბერიძის სახელს უკავშირდება ასევე, ყოველწლიური ფინანსისტთა და ბუღალტერთა დაჯილდოება Financial Award Georgia.
ტატა ბერიძე არის ბუღალტრული აღრიცხვის, ანგარიშგებისა და აუდიტის ზედამხედველობის სამსახურთან შექმნილი ა(ა)იპ ფინანსური სტანდარტების შემუშავების ჯგუფის წევრი. ასევე ბუღალტრების სერტიფიცირების სამუშო ჯგუფის წევრი.
ის არის ასევე 2020 წელს განათლების ხარისხის განვითარების ეროვნული ცენტრის მიერ შემუშავებული შეფასების ინსტრუმენტების ჩარჩო დოკუმენტის საბუღალტრო აღრიცხვა პროფესიული სავალდებულო მოდულების ვალიდატორი.
აღსანიშნავია, რომ ტატა ბერიძემ სამუშაო პრაქტიკა 1995 წელს „სიგმა ბანკის“ მოლარის პოზიციით დაიწყო დაიწყო.
(NS)