თბილისის მუნიციპალიტეტის მთავრობის სამშაბათის სხდომაზე დედაქალაქის მერმა კახა კალაძემ განაცხადა, რომ თბილისის მერია სამშენებლო კომპანიებს K2-ის დავალიანების ეტაპობრივად გადახდას სთავაზობს. მისი თქმით ეს ინიციატივა სამშენებლო სექტორისთვის და ბიზნესისთვის მნიშვნელოვანია, რადგან კომპანიები მშენებლობის მიყვანას ბოლომდე შეძლებენ და აღარ განმეორდება ის პრაქტიკა რაც ცენტრ პოინტის, ორი ვარსკვლავის და სვეტის შემთხვევაში მოხდა.
„დღეს მინდა მივმართო სამშენებლო სექტორს და გავაცნო ჩვენი ინიციატივა k2 - ის მოსაკრებლის განწილვადებასთან დაკავშირებით , რომელიც უკვე წარდგენილია საქართველოს პარლამენტში, ეს ეხება 2019 წლამდე გაცემულ მშენებლობებს ნებართვებს რომელსაც აქვთ k2 კოეფიციენტი აქვთ შესყიდული, რადგან ჩვენ 2019 წელს ავკრძალეთ k2 - ის შესყიდვა და გადამატებით მშენებლობების განხორციელება. მთელი რიგი კომპანიებია, რომლებიც ვერ ახერხებენ ამ მოსაკრებლის გადახდას და ამის გამო მშენებლობები აქვთ გაჩერებული, ეს არის მრავალმილიონიანი დავალიანება მუნიციპალიტეტთან , ჩვენ გვქონდა არაერთი შეხვედრა სამშენებლო სექტორთან და მივიღეთ გადაწყვეტილება, რომ k2- ის მოსაკრებლის განწილვადება მოხდება, რაზეც ვფიქრობ რომ მნიშვნელოვანია იმ თვალსაზრისით რომ დაეხმარება კომპანიებს მშენებლობა პრობლემების გარეშე განახორციელონ, საკანონმდებლო ინიციატივა საქართველოს პარლამენტში უკვე წარდგენილია და უახლოეს მომავალში ამასთან დაკავშირებით გადაწყვეტილება იქნება მიღებული. ეს ძალიან მნიშვნელოვანი ინიციატივაა სამშენებლო სექტორისთვის და ბიზნესისთვის, რადგან კომპანიები შეძლებენ მშენებლობებს ბოლომდე მიყვანას და აღარ შეგვექმნება ისეთი პრობლემები როგორც იყო სვეტის, ორი ვარსკვლავის, ცენტრ პოინტის და ა.შ. კომპანიების შემთხვევაში“, - აღნიშნა კახა კალაძემ.