2022 წლის აგვისტოში, თბილისის საცხოვრებელი უძრავი ქონების ბაზარზე გასაყიდმა და გასაქირავებელმა ფასმა შესამჩნევი ზრდა განაგრძო. ამის შესახებ „თიბისი კაპიტალის“ პუბლიკაციაში „საცხოვრებელი უძრავი ქონება თბილისში“ არის აღნიშნული.
თბილისის საცხოვრებელმა ბაზარმა 2022 წლის აგვისტოში ახალ მაჩვენებლებს მიაღწია. ტრანზაქციების რაოდენობამ წინა თვის მაჩვენებელს 1.8%-ით გადააჭარბა, ხოლო წლიურად სხვაობა მნიშვნელოვნად მაღალი იყო (+26.9%). საშუალო მოთხოვნადი გასაყიდი ფასი 26,5%-ით გაიზარდა, 2021 წლის ანალოგიურ პერიოდთან შედარებით. 2022 წლის მაისიდან თანდათანობითი კლების შემდეგ, ქირავნობის მოთხოვნამ შეცვალა ტენდენცია, მიაღწია აქამდე უმაღლეს წერტილს და გადააჭარბა კიდეც წინა თვის მაჩვენებელს 7.9%-ით, ხოლო წლიური მონაცემებით ზრდამ 79,2% შეადგინა. ქირავნობის სარგებელი ოდნავ შემცირდა 2022 წლის აგვისტოში წინა თვესთან შედარებით (- 0.1 pp), რადგან გაყიდვის ფასებმა აჩვენა უფრო მაღალი ზრდა, ვიდრე იჯარის ფასები.
ლარის ნომინალური გამყარება აშშ დოლართან მიმართებაში იყო ერთ-ერთი ფაქტორი, რომელიც დადებითად მოქმედებდა გაყიდვისა და იჯარის ფასებზე აგვისტოში. ასევე, საზღვრის გადაკვეთის, უნაღდო დანახარჯებისა და არარეზიდენტების მიერ საქართველოს ბანკებში ანგარიშის გახსნის შესახებ მონაცემები მიუთითებს იმაზე, რომ მიგრანტები საქართველოში უფრო დიდხანს დარჩებიან, ვიდრე ეს ადრე იყო მოსალოდნელი. ომის გახანგრძლივებამ, რუსეთის წინააღმდეგ ეკონომიკურმა სანქციებმა და ევროკავშირის მიერ რუსეთის მოქალაქეებისთვის სავიზო რეჟიმის გამარტივების შეჩერებამ, შესაძლოა საქართველოში მიგრანტების ახალი ტალღების ნაკადი გამოიწვიოს.
2022 წლის აგვისტოში გაიყიდა 737 ახალი ბინა, რაც 18.5%-ით მეტია 2021 წლის ანალოგიურ პერიოდთან შედარებით.
2022 წლის აგვისტოში ტრანზაქციების რაოდენობა 2021 წლის ანალოგიურ პერიოდთან შედარებით მეტი იყო ყველა რაიონში, გარდა ნაძალადევისა, რომელიც ძირითადად იმავე დონეზე დარჩა. ტრანზაქციების ყველაზე დიდი ზრდით ტოპ 3 უბანი იყო: დიდი დიღომი (+80%), კრწანისი (+79%) და საბურთალო (+38%). სხვა რაიონებმა აჩვენეს გაყიდვების უფრო მოკრძალებული ზრდა.
გაყიდვის ფასებმა ყველა რაიონში 2021 წლის მაჩვენებელს გადააჭარბა. წლის განმავლობაში ფასების ცვლილებები უფრო ერთგვაროვანი იყო ტრანზაქციის რაოდენობასთან შედარებით. გაყიდვების ფასების ყველაზე მაღალი ზრდა დაფიქსირდა საბურთალოზე (+31%), გლდანში (+30%) და ნაძალადევში (+28%). გასულ წელთან შედარებით იჯარის ფასები კვლავ მნიშვნელოვნად მაღალ დონეზე იყო, წლიური ზრდა ყველა რაიონში 60%-ს აღემატება. უარყოფითი ზრდა მხოლოდ ჩუღურეთმა აჩვენა (-1%), ხოლო სხვა რაიონებში იჯარა 5,5%-ზე მეტით გაიზარდა. გაქირავების შემოსავლების მიხედვით პირველ სამ უბანს დიდი დიღომი (13.2%), დიდუბე (12%) და ისანი (12%) წარმოადგენს.