Galt&Taggart-ის უძრავი ქონების სექტორის განახლებული მიმოხილვის მიხედვით, უძრავი ქონების გაყიდვები თბილისში სტაბილურად მზარდია, ხოლო ფასები დაახლოებით 30%-თაა გაზრდილი აშშ დოლარში.
„გაყიდვების დაახლოებით ნახევარი საბურთალოს, დიდი დიღმის და სამგორის რაიონებში განხორციელდა გაყიდვების დაახლოებით ნახევარი საშუალო ზომის (50-80 კვ.მ.) ბინებზე მოდის, — აღნიშნულია Galt&Taggart-ის მიმოხილვაში.
ორგანიზაციაში აცხადებენ, რომ თბილისში ფასებზე ყველაზე მეტად გაძვირებული მშენებლობა მოქმედებს. 2022 წლის მეოთხე კვარტალში მშენებლობის ღირებულების ინდექსი 132$ იყო, 2021 წლის ანალოგიურ პერიოდში კი 89$. რაც შეეხება გაცემულ ნებართვებს, 2022 წელს თბილისში გაცემულმა ნებართვებმა საცხოვრებელ შენობებზე 4.3 მლნ კვ.მ. შეადგინა.
რუსეთის მოქალაქეების წილი მთლიან გაყიდვებში 2022 წელს თბილისში ყველაზე მაღალი ოქტომბერში იყო და 5.5% შეადგინა, ნოემბერსა და დეკემბერში კი 4.4%, ყველაზე დაბალი კი იანვარში დაფიქსირდა, როცა 0.9%-ს გაუტოლდა.
Galt&Taggart-ის მიხედვით, გაყიდვების საშუალო ზრდა 2015 წლიდან 2022 წლამდე 16.8%-ს შეადგენს. ხოლო თუ 2023 წლის იანვარ-თებერვლის მონაცემებს 2022 წლის ანალოგიურ ორ თვეს შევადარებთ, ვნახავთ, რომ ზრდა 14.3%-ია. გასული წლის პირველ ორ თვეში თბილისში 5700-ზე მეტი ბინა გაიყიდა, ხოლო მიმდინარე წლის იანვარსა და თებერვალში 6600-ზე მეტი.