შპს „თბილსერვის ჯგუფმა “ EBRD-თან გაფორმებული ხელშეკრულების ფარგლებში ჯამში 18 მილიონი ევროს ღირებულების 74 ერთეული მანქანა შეიძინა, რომელთაგან 40 უკვე თბილისშია - ამის შესახებ „კომერსანტს“ „თბილსერვის ჯგუფში“ უთხრეს, მათივე ინფორმაციით დანარჩენ 34 მანქანას კომპანია უახლოესი ორი კვირის მანძილზე მიიღებს.
„2018 წლის 27 ნოემბერს, საქართველოს მთავრობამ და ევროპის რეკონსტრუქციისა და განვითარების ბანკმა (EBRD) ხელი მოაწერეს სასესხო ხელშეკრულებას, რომლის თანახმადაც, თბილისის მყარი ნარჩენების მართვის სისტემის სრულყოფისათვის 15 მილიონამდე ევრო გამოიყო. 2021 წლის ივლისს, აღნიშნულ ხელშეკრულებაში შევიდა ცვლილება და დამატებულ იქნა 3 მილიონი ევრო (ჯამში 18 მილიონი ევრო), საიდანაც 9 710 440, 00 ევრო „თბილისის მყარი ნარჩენების პროექტის“ მეშვეობით, მოხმარდება ავტო პარკის განახლებას. შპს ,,თბილსერვის ჯგუფის” მიერ შეძენილ იქნა:
• ნარჩენების შემგროვებელი სატვირთო ავტომანქანები (უკანა ჩატვირთვით და საწნეხი მოწყობილობით, ჯამში 74 ერთეული მანქანა)
55 შემგროვებელი
12 სატვირთო
7 ქუჩის საწმენდი.
ამ დროისთვის, მომწოდებლისგან მიღებულია სხვადასხვა მოცულობის და დანიშნულების 40 ერთეული სპეც ტექნიკა, უახლოესი ორი კვირის განმავლობაში კომპანია დამატებით მიიღებს 34 მანქანას“, - აცხადებენ „თბილსერვის ჯგუფში“.
რაც შეეხება გზის მორეცხვის გეგმურ სამუშაოებს, თბილსერვის ჯგუფში აცხადებენ, რომ თბილისში ქუჩები გეგმიურად 00 საათიდან დილის 04:00 საათამდე პერიოდში ირეცხება. ასევე არაგეგმიურად ირეცხება დედაქალაქის სხვა ნაწილიც.
„თბილსერვის ჯგუფი“ მაისიდან ზამთრის დადგომამდე ყოველდღიურად შემდეგ მისამართებზე მუშაობს: ალექსანდრე პუშკინის ქუჩა; ნიკოლოზ ბარათაშვილის ქუჩა; ვახტანგ გორგასლის ქუჩა; მიხეილ ჯავახიშვილის ქუჩა (ყოფილი ელბაქიძის ქუჩა); მეტეხის ხიდი; ბარათაშვილის ხიდი; გალაკტიონის ხიდი; გია გულუას ქუჩა; შოთა რუსთაველის გამზირი; მერაბ კოსტავას ქუჩა; პეტრე მელიქიშვილის გამზირი; თავისუფლების მოედანი; კოტე აფხაზის ქუჩა; დავით აღმაშენებლის გამზირი; კოტე მარჯანიშვილის ქუჩა; ზაარბრიუკენის მოედანი; ცოტნე დადიანის ქუჩა; ქეთევან დედოფლის გამზირი; ვარკეთილის დასახლება - ცენტრალური ქუჩები; ვაზისუბნის დასახლება - ცენტრალური ქუჩები; ლეხ კაჩინსკის ქუჩა; ავლაბრის მოედანი; ნიკოლოზ ბარათაშვილის აღმართი; ევროპის მოედანი; აკაკი წერეთლის გამზირი; გიორგი ცაბაძის ქუჩა; თამარ მეფის გამზირი; თევდორე მღვდლის ქუჩა; აბასთუმნის ქუჩა; მიხეილ წინამძღვრიშვილის ქუჩა; გრიგოლ რობაქიძის გამზირი; ფარნავაზ მეფის გამზირი; მირიან მეფის ქუჩა; დავით გურამიშვილის გამზირი; დავით სარაჯიშვილის ქუჩა; თორნიკე ერისთავის ქუჩა; ნოდარ დუმბაძის გამზირი; ანგია ბოჭორიშვილის ქუჩა; იოსებ ნონეშვილის ქუჩა; ალეკო გობრონიძის ქუჩა; ილია ჭავჭავაძის გამზირი; ზაქარია ფალიაშვილის ქუჩა; ირაკლი აბაშიძის ქუჩა; მიხეილ თამარაშვილის ქუჩა; ვაჟა-ფშაველას გამზირი; ალექსანდრე ყაზბეგის გამზირი; შალვა ნუცუბიძის ქუჩა; ჟიული შარტავას ქუჩა; პეკინის გამზირი; იური გაგარინის ქუჩა; გმირთა მოედანი; გმირთა მოედანი-მიხეილ თამარაშვილის ქუჩის დამაკავშირებელი ახალი გზა და პანდუსები; მარშალ გელოვანის გამზირი.
ასევე, არაგეგმურად ირეცხება დედაქალაქის სხვა ქუჩები“ - აცხადებენ „თბილსსერვის ჯგუფში“.
თაკო კვაჭანტირაძე