თებერვალში საქართველოში ელექტროენერგიის გენერაცია, მოხმარება და ტრანზიტი გაიზარდა. იმპორტის 60% კი ოკუპირებულ აფხაზეთს მოხმარდა. ინფორმაციას ამის შესახებ ელექტროენერგეტიკული ბაზრის ოპერატორი ესკო ავრცელებს.

თებერვალში საქართველომ ყველა წყაროდან ჯამურად 890 მლნ ლვტ/სთ ელექტროენერგია გამოიმუშავა, რაც გასული წლის ანალოგიური პერიოდის მაჩვენებელს 28.6%-ით აღემატება. მათგან თბოსადგურების მიერ გამომუშავებული ელექტროენერგია 34%-ით 444 მლნ კვტ/სთ-მდე გაიზარდა, ჰიდროსადგურების 24%-ით 441 მლნ კვტ/სთ-მდე. ქარის ელექტროსადგურის გენერაცია კი 7%-ით 5.4 მლნ კვტ/სთ-მდე შემცირდა.

თებერვალში მოხმარება 12.4%-ით 1.2 მლრდ კვტ/სთ-მდე გაიზარდა, მათ სორის ოკუპირებულ აფხაზეთში 8.3%-ით 300 მლნ კვტ/სთ-მდე.

ტრანზიტის მოცულობამ 168 მლნ კვტ/სთ-ს მიაღწია, რაც გასული წლის ანალოგიურ პერიოდთან ვერ შედარდება, რადგან 2021 წლის თებერვალში ტრანზიტი არ განხორციელებულა, 2 თვის ჟამში კი საქართველოზე მესამე ქვეყანაში გატარებული ელექტროენერგიის მოცულობა 2680%-ით 353 მლნ კვტ/სთ-მდეა გაზრდილი.

იმპორტი 13.8%-ით 357 მლნ კვტ/სთ-მდეა შემცირებული. იმპორტის 60% ამჯერადაც ოკუპირებულ აფხაზეთს მოხმარდა, რომელსაც უკვე დიდი ხანია ზამთრის თვეებში ენგურჰესის გამომუშავების 100%-იც აღარ ჰყოფნის. ზეპირი შეთანხმებები კი რაც ელექტროენერგიის 60:40-ზე პროპორციით განაწილებას გულისხმობს სისტემატურად ირღვევა.