ტექნოლოგიების გიგანტი რუსული კომპანია Yandex-ი აცხადებს, რომ ახორციელებს მუშაობის რეორგანიზაციას და გეგმავს კავშირის გაწყვეტას რუსეთთან.
განცხადების ფონია კომპანიაში თვეების განმავლობაში გაგრძელებული მღელვარება, კომპანია დატოვეს აღმასრულებელმა ფიგურებმა, გაიყიდა Yandex-ის ორი ყველაზე ცნობილი პროდუქტი, დაეცა მისი წილების ფასი, მანამ, სანამ ისინი გაიყინებოდა საერთაშორისო საფონდო ბირჟებზე.
დღეს ვართ განსაკუთრებულად დიდი გამოწვევების წინაშე - წერს Yandex-ის დირექტორთა საბჭოს ხელმძღვანელი, ჯონ ბოინტონი, 25 ნოემბერს გავრცელებულ განცხადებაში.
ონლაინ გამოცემა The Bell წერს, რომ Yandex-ის მშობელი კომპანია, რომელიც ჰოლანდიაშია განთავსებული, დაკარგავს ფლობას და კონტროლს Yandex-ის ჯგუფის ყველა ბიზნესზე. ოპერაციებს მომავალში გადაიბარებს ახალი კომპანია, რომლის საბჭოსაც ზედამხედველობას უწევს ალექსეი კუდრინი - პრეზიდენტ ვლადიმირ პუტინის მოკავშირე, რომელიც ამჟამად აუდიტის პალატასაც უდგას სათავეში.
Yandex-ი ზეწოლას განიცდიდა სულ მცირე 2019 წლიდან, ოცა ის იძულებული გახდა Sberbank-სთვის მიეცა ვეტოს უფლება სამენეჯერო გადაწყვეტილებებში. ხმის ეს უფლება მოგვიანებით რუსეთის ფედერაციას გადაეცა.
თუმცა, საბოლოო და რადიკალური გადაწყვეტილებების მიღებას საფუძველი დაუდო უკრაინაში რუსეთის შეჭრამ, და კრემლის მიერ შემოღებულმა ცენზურამ ამ ომთან დაკავშირებულ ცნობებთან და დებატებთან მიმართებით.
Yandex
